لو خلصت جيش ضابط احتياط في مصر هتبقى على قوة الاحتياط (الاستدعاء) لحد سن الخروج من الاحتياط (٤٦ سنة وقت كتابة البوست).
ممكن تشيل نفسك من الاحتياط و تغير موقفك التجنيدي من "في سن التجنيد" إلى "غير مطلوب للتجنيد" في بعض الحالات و منها لو كنت مهاجر لبلد تانية و عايش فيها.
الغرض من ده انك ميجيلكش استدعاء و انك تطلع باسبور مكتوب فيه غير مطلوب للتجنيد بدل ما تقدم على تصريح سفر كل مرة تنزل اجازة. لو الموضوع مش فارق معاك اوي فبلاش تمشي فيه عشان طويل و هياخد منك الاجازة كلها.
عشان تعمل كدة هتحتاج حاجة اسمها قرار ١٠٠ من الادارة العامة لشؤون الضباط اللي هو قرار انهاء الاستدعاء. مش عارف هل ممكن تروح شؤون الضباط على طول و تقدم على قرار ١٠٠ ولا لا عشان انا معملتش كدة.
انا هكتب عملت ايه بالظبط
في استراليا
| مترجم NAATI معتمد |
المكان |
| ترجمة الاقامة الدائمة الى العربية |
الخدمة المطلوبة |
| الاقامة الدائمة (الجرانت) |
الاوراق المطلوبة منك |
- مش عارف لو اقامة مؤقته تنفع ولا لا
- ممكن تدور على مترجم هنا:
https://www.naati.com.au/online-directory/
اعتقد الخطوة دي ممكن تتساب لما تنزل مصر عشان الترجمة ارخص بكتير جدا، بس مش متأكد ده الصح ولا لا.
|
ملاحظات |
| |
|
| الخارجية الاسترالية DFAT |
المكان |
| التصديق على الاقامة و الترجمة العربية |
الخدمة المطلوبة |
| الاقامة و الترجمة العربية |
الاوراق المطلوبة منك |
|
شوف ده
https://www.smartraveller.gov.au/consular-services/notarial-services/documents-in-australia
|
ملاحظات |
| |
|
| القنصلية المصرية باستراليا |
المكان |
| التصديق على الاقامة والترجمة العربية |
الخدمة المطلوبة |
| الاقامة و الترجمة العربية بتصديق الخارجية الاسترالية |
الاوراق المطلوبة منك |
ابعت ميل للسفارة المصرية او كلمهم بس اتأكد الولاية بتاعتك تبع السفارة اللي في ملبورن ولا سيدني.
ممكن تبعت الورق مش لازم تروح |
ملاحظات |
في مصر
| مكتب تصديقات وزارة الخارجية |
المكان |
| التصديق على الاقامة و الترجمة العربية |
الخدمة المطلوبة |
| الاقامة و الترجمة العربية بتصديق الخارجية الاسترالية و القنصلية المصرية باستراليا |
الاوراق المطلوبة منك |
| ممكن تروح اي مكتب تصديقات مش لازم مكتب الترجمان |
ملاحظات |
| |
|
| مكتب التأمينات الاجتماعية |
المكان |
| استخراج برنت تأميني حكومي |
الخدمة المطلوبة |
| البطاقة |
الاوراق المطلوبة منك |
| |
ملاحظات |
| |
|
| وزارة القوى العاملة مدينة نصر شارع يوسف عباس - قسم التشغيل |
المكان |
| استخراج جواب يفيد عدم الاحتفاظ بوظيفة حكومية |
الخدمة المطلوبة |
| البرنت التأميني و ممكن يطلبوا صورة شهادة تخرج |
الاوراق المطلوبة منك |
| يكون موجه للجهة اللي رايحلها, في حالتي كانت ادارة الجوازات |
ملاحظات |
| |
|
| ادارة الجوازات بالعباسية الدور السادس |
المكان |
| التقديم على طلب منح صفة المهاجر او قولهم انك عايز تغير الموقف التجنيدي لسبب الهجرة .. هتتعب شوية لحد ما تلاقي حد عارف انت بتتكلم على ايه |
الخدمة المطلوبة |
- الاقامة الاسترالية مترجمة و معتمدة من السفارة المصرية و الخارجية المصرية
- جواب القوى العاملة
- شهادة الجيش
- الباسبور و البطاقة |
الاوراق المطلوبة منك |
|
- هيقولك احنا هنخاطب شؤون ضباط القوات المسلحة و نبعتلهم الورق و استنى حد هيكلمك ع التليفون
- لو معرفتش تعمل الطلب ده في الجوازات ممكن تجرب تقدمه في الادارة العامة لشؤون الضباط على طول بس انا مش متأكد هل ينفع ولا لا.
- لمعلومات اكتر دور هنا على "طلب الحصول على صفة المهاجر (لكونه أدى الخدمة ضباط احتياط ومازال تحت الاحتياط ويرغب في الحصول على صفة المهاجر)"
https://enationality.moi.gov.eg/UserApplications/Services/Index
|
ملاحظات |
| |
|
| الادارة العامة لشؤون الضباط |
المكان |
|
حد هيكلمك من شؤون الضباط و يقولك تعالى عندنا نكمل الورق اللي وصلهم من الجوازات
|
الخدمة المطلوبة |
- تملى استمارات تعارف بمعلومات عن الاجداد و العمات و الخالات و كدة
- صور كارت طولي و كارت نصفي و كارت عائلي (انت و الزوجة و الاولاد) و صور ٤*٦ بالملكي و ساعات بيطلبوا لازم بدلة ملكي و ساعات بيطلبوا بدلة ميري بس محصلش معايا
- بيشوفوا الفيزا بتاعتك الرسوم بتاعتها اد ايه للطلب ده ساعات ٥ الاف ساعات ١٠ الاف معرفش بتعتمد على ايه بالضبط |
الاوراق المطلوبة منك |
|
هيقولك هنكلمك بعد شهر او اكتر هتروح تستلم قرار 100 لانهاء الخدمة الاحتياطية و نموذج 53 موجه لادارة السجلات العسكرية
|
ملاحظات |
| |
|
| لادارة السجلات العسكرية بمدينة نصر |
المكان |
| استخراج شهادة انهاء الخدمة العسكرية مكتوب فيها مستبعد من الاحتياط |
الخدمة المطلوبة |
- شهادة الجيش القديمة
- نموذج 53 اللي جبته من شؤون الضباط
- قرار 100 (للاطلاع فقط اوعى ياخدوه) |
الاوراق المطلوبة منك |
| |
ملاحظات |
| |
|
| مكتب جوازات او ادارة الجوازات |
المكان |
| استخراج باسبور جديد مكتوب فيه غير مطلوب للتجنيد |
الخدمة المطلوبة |
الجواز القديم
شهادة الجيش الجديدة
البطاقة
4 صور
قرار 100 اللي طلعته من شؤون الضباط |
الاوراق المطلوبة منك |
| |
ملاحظات |
مبروك عليك!
