موضوع تأسيس الشقه وشراء الاجهزه الكهربائيه مهم بالنسبة لكل واحد لسه جاي وعاوز يعرف يروح يشتري منين وايه الميزانيه المطلوبه..الخ.

 هحاول الخص علي قدر المستطاع الاماكن والمواقع اللي تقدر تشتري منها او تعرف منها العروض وتشوف ايه اللي يناسبك

 مافيش طبعا رقم ثابت اقدر اقوله لتأسيس شقه، بس المتوسط لتأسيس شقه  ٤٠٠٠ ل ٦٠٠٠ دولار لو العفش والأجهزة كلها جديده- المستعمل والمزاد ارخص وممكن يوصل للنص - وممكن يزيد حسب اختيارات وظروف كل شخص.

محلات الاثاث

 في عندك للاثاث محلات زي

pocco 

Fantastic 

Super amart

plush

وفي اماكن تانيه كتير

وبتلاقي قسم للاثاث زي اخر قطعه او القطع العرض او اللي فيها تجريح زي اللي في ايكيا اسمه Bargin corner او As is ودي ممكن تلاقي فيها حاجات كويسه انت ونصيبك.

من الحاجات الغاليه هنا المراتب، في المتوسط عشان تجيب  مرتبه كويسه  Queen Size هيكون سعرها من ٧٠٠ الي ١٣٠٠ دولار طبعا في اغلي من كده بكتير ويتوصل فوق ٥٠٠٠ دولار واعلى. الماركات هنا كتير اقوي والاسعار متفاوتة حسب الجوده والماركه والحجم. في ناس بتشكر في ماركه اسمها Koala وفي مصنع اسمه Rockdale Matress موجود في Condellpark ومعظم محلات الاثاث بيكون موجود فيها قسم للمراتب.

بالنسبه للمستعمل في بعض الأماكن بتبيع زي Salvation Army و Vinneys بس مش متاكد اذا كان بيوصل ولا لئه. 

في محل تاني اسمه Johny's Furniture في جرانفيل ودا بيبع قطع المعروضه او البواقي ...ليه صفحه علي الفيس بوك.

في مكان  او اكتر بيعمل مزادات علي الاثاث في واحد منهم اسمه Auction World

http://auctionworld.com.au/content/bankstown.auction 

ممكن تشتري من gumtree بس هتقابلك مشكله التوصيل ، وهنا ممكن تتأجر عربيه UTE من بعض محطات البنزين.

او تجيب حد يوصلهالك ودا ممكن عن طريق التطبيق Airtasker

تقدر تضيف طلب توصيل وتوضح الحاجات اللي عاوز تنقلها من ..الي.. وتحط المبلغ اللي عاوز تدفعه ، تقدر تعرف متوسط الاسعار من الطلبات الموجوده في البرنامج

الاجهزه الكهربائية 

زي   The good guy 

او Bing lee 

او 2nd World 

 اوعندك Target و Big w و Kmart  و Harris Scarfe 

 بس دول بيبع الاجهزه المنزليه الصغيره زي الميكروويف ، الخلاط، مكنسه كهربائيه...الخ و كمان الادوات المنزلية والمطبخ والمفروشات والستاير (والمكانين spotlight & linacraft متخصصين اكتر في المفروشات والستاير )

 بعض الشركات اللي اسعارها غاليه زي Harvey Norman او JB Hi-Fi لكن ساعات بيعملو تخفيضات كبيره علي الموديلات معينه  من الاجهزه الكهربائيه فمكن تشوف المواقع بتعتهم  مش هتخسر حاجه.

 مممكن اضيف عليهم بعض المواقع اللي بتبيع second factory او display

زي

2ndsworld.com.au

Buysmarte.com.au

Factoryplus.com.au

Homeclearance.com.au

اعتقد معظمهم ليهم معارض تقدر تروح وتشوف الاجهزه بنفسك

في معرض اسمه Adam Appliances موجود في Greenacre  بيبيع اجهزه العرض او االلي فيها خدوش 

ودا ممكن تفاصل معاه وبيوصل مقابل ٦٠ او ٧٠ دولار

في موقع مزادات اونلاين اسمه 

www.graysonline.com.au

وليه تطبيق تنزلو علي الموبايل ودا في اجهزه كانت للعرض او معاد تصليحها او فيها خبطات بسيطه والحلو ان هو بيوضحلك كل جهاز درجه العيوب اللي فيه وبتكون فيه بعض الاجهزه زي التلاجات والغسالات سعرها كويس.

بس هما للاسف مابوصلوش لكن بيدوك عنوان شركه زي فكره Airtasker كده بتقلهم عنوان المكان الي هتستلم منه وعنوان سكنك ونوع الجهاز وهما بيقولك التكلفه كام واعتقد Airtasker ينفع هو كمان ولازم تدي الاتنين ورقه انهم يستلمو نيابه عنك

في موقع مزدات تاني اسمه pickles وتقدر تشوف الحاجات المعروضه اونلاين برضو.

حاجه اخيرة، في بعض من الشركات يقسطك من غير ماتدفع فوايد لو هتشتري بمبلغ معين وهما بيتعاملو مع شركات  زي Go visa بتدفع المبلغ بالتقسيط زائد مصاريف الفيزا وبتكون ثابته مش نسبه من المبلغ اللي هتقسطه.  وانتوفي المعرض ممكن تسألهم عن التقسيط وهو بيقدملك طلب عند الشركه وبيقولك اذا كنت تقدر تقسط عن طريقهم ولا لئه بعد ما يعمل استعلام عن تقييمك الائتماني Credit Rating Score زي اللي موجوده في مصر واسمها I-Score ( ودي ممكن نتكلم عنها بعدين عشان مهمة ولو التقييم منخفض ماتقدرش مثلا تشتري حاجه زي عقد لخط موبايل ب ٦٠ دولا شهريا بعقد لمده سنتين عشان لازم يعملو استعلام عنك قبلها ، وحاجات تانيه زيها

تقدر تعرف التقيم بتاعك من موقع زي getcreditscore.com.au )

اخر حاجه، انت ممكن تشوف الكتالوجات والفلايرز الخاصه بشركات الاثاث والأجهزة الكهربائية وغيرها من موقعين دول ومتوفر ليهم تطبيقات علي الموبايل

Shopfully

Lasoo 

في موقع حلو برضو  اسمه shopbot.com.au او getprice ودا بيجبلك العروض offers او اسعار الاجهزه من معظم الموقع بحيث تقدر تشوف من افضلهم وتقارن الاسعار 

وموقع تاني اسمه ozbargain.com.au ودا بيجيب عروض مختلفه من علي معظم المواقع الاونلاين زي ebay و Big w و غيره

وبرضو جوجل نفسه لو بتبحث عن منتج معين بعد كده ممكن تختار shopping وهيجبلك الاسعار من اكتر من موقع وتقدر تقارن بينهم.

والافضل ان تقوم بالبحث علي الانترنت وتقوم بقراءه تقيمات الآخرين وهيا مفيده في بعض الأحيان جدا

زي اللي علي جوجل.

 وفي موقع productreview  ولو عندك مشكله مع شركه ومعاك الفاتوره ممكن تكتب مشكلتك وغالبا الشركات بترد عليك ودا حصل معايا انا شخصيا وقدرت ابدل حاجه اشترتها غاليه وبعد كام يوم نزلو سعرها ووافقو انهم يدوني بفرق السعر حاجات تانيه، بس طلبت تبديلها وجم اخدوها علي حسابهم وجابلو الحاجه التانيه علي حسابهم برضو.

او choice بس بيطلب منك اشتراك مالي بس ساعات بيعرض بعض التقييمات مجانا.

اكبر التخفيضات بتم تقريبا من شهر ديسمبر حتي نهايه يناير وكمان في شهر يونيو قبل نهايه السنه الماليه.

خبر حلو، من المتوقع ان امازون يشتغل في استراليا علي بدايه السنه الجديده ودي حاجه كويسه لانه هيعمل منافسه قويه في السوق الاسترالي.

واخيرا، طبعا مش كل المواقع والاماكن اللي ذكرتها فوق جربتها بنفسي، لكن بناء علي خبرات شخصيه ومن بعض الاصدقاء ومن مواقع الانترنت وارجو المعذره لو كان في معلومه غير صحيحه - بدون قصد - او غير مكتمله.