حط الرحال فى بلاد الأسترال... 1
السلام عليكم يا جماعه
انا نويت و النيه لله انى اكتب المواقف اللى وقعت فيها هنا و الأخطاء اللى عملتها عشان الناس تحاول تتفاداها
طبعا هم قليلين جدا بس انا افضل انى اكتبهم اول باول عشان مانساش التفاصيل و عشان لو استنيت لما يبقوا حبه على بعض ممكن يكون حد فعلا وقع فيهم
نستعين بالله و نبدا
11 - اول فتره هنا لما تنزل حتعمل ورق كتير اوى ... من المهم انك تاخد بالك من ان اسمك يكون ثابت فى كل الورق .... طب مادى حاجه طبيعيه ؟؟!
اه طبعا حاجه طبيعيه بس انا غلطت فيها .... اول غلطه ليا فى استراليا ... فى اى ورقه بيطلب منك 3 خانات ليهم علاقه باسمك ...
ا- اسمك انت الشخصى ... و بتبقى مكتوبه اما First name او First given namee و دى تكتب فيها اسمك بس
ب- لقب العائله ... و بتبقى مكتوبه اما Family name او Surname و دى تكتب فيها لقب العائله بس
ج - التالته بقى دى اللى بتلخبط .... خانه اسمها Given names او Other given namess ... دى تكتب فيها اسم الوالد و الجد
الغلطه اللى انا عملتها ان فى ابليكاشن ال TFN فهمت كلمه Other given names زى عندنا كده فى مصر فى الورق الرسمى (اسم الشهره) ... فمكتبتش فيها حاجه ... طبعا كده طلع ال TFN باسمى و لقب العائله بس فى حين باقى الورق كله من Photo card ل medicare لرخصه قياده لكرت البنك بالأسم الكامل
فى مركز الservice center قالولى ان دى غلطه لان اسمى كده فى ال ATOO مش ماشى مع الباقيين ... و تغييرها سخيف
بتتغير بانك تنزل طلب من موقع ال ATO اسمه Change of details for individualss و تملاه و ترفق بيه صوره موقعه من ال JP من اى اثبات استرالى بالأسم الصح و تبعته بريد و تستنى 28 يوم عشان يتصحح
ملحوظه : ساعات بيدمجوا الخانه ب مع ج فى نفس الخانه و يبقى الأجمالى خانتين بس .... من امثلتها طلب استخراج الرخصه
