الفكرة في الإستيراد من الصين إنه ما يبقاش إستيراد لغرض الإستيراد وخلاص لازم تختاري المنتج اللي هتجيبيه بعناية و يكون ليه سوق جوة أستراليا و طبعا إزاي تقدري تعرفي إذا كان ليه سوق ولا لأ موال طويل مش مجاله هنا. المهم بتشوفي المنتج و بتيجي مرحلة ال sourcing و دي إنك تختاري الsupplier اللي هتشتري منه و طبعا أسهل وسيلة إنك تستخدمي موقع Alibaba العملاق اللي فيه كل كا يخطر ببالك من بضائع و منتجات حتى الأسماك و بتقدري تأجري inspector يشوف الشحنة هناك قبل ما تتبعت و بتشوفي الrating بتاع ال suppliers و الinspectors بعدها بتيجي مرحلة النقل اللي في الغالب بيبقى sea freight و بتفرق المدة و السعر حسب إنتي بتشحني منين (شنغهاي ولا شنزين ولا هونج كونج ولا جوانجزو) بس في المتوسط من 10 ل 15 يوم و بيفرق طبعا كمية البضاعة اللي انتي جايباها تيجي في كونتينر 20" ولا 40" ولا أقل من كونتينر و ساعتها بتتحاسبي بالمتر المكعب أو بالوزن. ال 20" بيكلف 1640 دولار أمريكي و ال 40" بيكلف 2130 دولار أمريكي. أهم من الشحن و الكلام ده كله هو السوق بتاعك و هتوصلي له إزاي هتعرضي حاجاتك في shop ولا online وإن كنت أنصح ان البداية تبقى online لأنه risk أقل و بتقدري توصلي لشريحة أوسع و تقدري تبدأي بداية أبسط و طبعا بتحتاجي تصرفي شوية على الإعلانات. نصيحتي برضه إنك ما تبدأيش ببضائع غالية إلا لو عارفة السوق بتاعك كويس وعارفة هتصرفي المنتجات إزاي لو غير كدة أنصحك تشتغلي في المنتجات اللي بتتراوح بين 10 ل 40 دولار و يكون وزنها مش تقيل و مفيهاش أجزاء متحركة كتير هيكون فيهم profit margin حلو و عادة بيبقى psychologically أسهل للcustomer إنه يشتري حاجة في ال range ده عن إنه يشتري حاجة ب 300 دولار مثلا. ملحوظتين أخيرتين Amazon و Alibaba هيفتحوا قريب في أستراليا و ده هيخلي فيه فرص ممتازة جدا و هيغير شكل السوق الأسترالي حرفيا الشركتين دول لما أي واحدة فيهم بتدخل السوق بتقلبه رأسا على عقب. فما بالك إن الإتنين جايين :D عموما سعر البضائع ما بيكونش عائق و سعر الشحن ما بيكونش عائق و أكبر عائق بيكون تسويق المنتج. وبالتوفيق إن شاء الله -