الحل في الآتي :
1. بذل مجهود إضافي في التعرف على طبيعة المهنه جوا سوق العمل الأسترالي (معرفة مين اللي بيقدموا نفس المنتج، الخدمه) في استراليا مع اخد فكره سريعه عن طبيعة التنافسيه بين الشركات أو الجهات دي جوا استراليا..

2.بذل مجهود إضافي (تاني) في بناء شبكة علاقات سريعه عن طريق ال LinkedIn مثلاً داخل شبكة العاملين في نفس القطاع مع إثراء محتوى البروفايل الشخصي بمنشورات تمس السياق المحلي للصناعة أو الخدمه دي في استراليا.

3.التعرف على القوانين أو الأكواد المنظمه لإنتاج أو تقديم أو تنظيم الخدمه أو المنتج داه، في حالتي انا جبت كود البناء بتاع استراليا وكنت بذاكر منه قبل كل انترفيو... تخيل انك داخل بتناقش اللي بيعملك الانترفيو في الكود!

4.زي ما المهندس محمد قابيل عمل، راح اخد كورس من مقدم محلي للخدمة عرف بيه يكون الخبره المحليه المطلوبه.

5.بصنعة ذكاء، يجب إلقاء الضوء على ماتقدم ذكره أثناء الانترفيو، يعني الممتحن لازم يحس قد ايه انت او انتي استغلتوا زياده وقدرتوا تقربوا من السياق المحلي وإن انتوا مش بعاد عن المجال لأنكم فاهمين الدنيا فيه ماشيه ازاي..

6.انا بعد فضل الله عليا، واحده من الحاجات اللي كانت سبب في تعييني إني لفت نظر اللي بيعمللي الانترفيو لملحوظه في الكود وقلتله رقمه..

7.في الانترفيو ما اتكسفتش اجاوب اني بشغل وقتي اني شغال في كونڨينيس ستور.. Not to keep my hands dry! عجبتهم قوي 

8. نقطه اخيره، لازم بعد ما تبيعوا نفسكم صح، تأكدوا على نقطة انكم مجهزين بنوع من الخبرات والتجارب اللي مش مرتبطه بمكان Transferable experience وانكم بتسعوا انها تزيد بخبرة استراليا..

والسلام عليكم ورحمة الله وبركاته

شكرا على الملاحظات القيمه يا تامر

In the following video, I explain (in Arabic) some important information about the requirements of many jobs for local experience.