أول شق حابب انقل فيه أخطائي الشخصيه هو طريقة كتابة #السيره_الذاتيه. وقبل ما تكلم عن تجربتي مع كتابة السيره الذاتيه، حابب أأكد إن وظيفتها الأساسيه والوحيده هي تعريفك بشكل مبدأي جداً لأي حد سواءا الريكروتر أو شركه وإن مدى نجاح السي-في لا يقاس إلا بوحدة (المكالمه الهاتفيه/ الإيميل) اللي بيوصلك من اللي استقبل السي-في علشان يفهم منك انت فعلاً اللي مكتوب ولا لأ.. أي حد يقولك ايه داه الله السي-في بتاعك شكله جامد وخطير، كله كلام مجعلص ومصطلحات فيزيوكيميائيه- ما تصدقش- لإن العبره بعدد المكالمات اللي جاتلك استجابة لهذه السيره الذاتيه اللطيفه.
-
ولما بقول طريقة كتابة السيره الذاتيه أو السي-في مش قصدي انها عايزه تصحيح املائي ولا تصحيح لغوي (تؤ تؤ تؤ..عيب نتكلم في النقطه دي اساساً) انما بتكلم عن طريقة عرض الخبرات بشكل يجيب مكالمات ويشد الانتباه.
وعلشان نفهم ازاي داه يحصل، لازم نفهم هو السي-في بيروح لمين؟ ومين بيقراه فيحدد اذا كان محتواه يدل على شخصيه يجب الاتصال بها؟ ببساطه، برنامج معالجة كلمات بسيط جداً هو اللي بيستقبل السي-في بتاع معاليك و يحلل {تركيز الكلمات} الوارده فيه و يقارنها بجدول معد سلفاً فيه الكلمات الاستدلالية المطلوبه والمرتبطه بالوظيفه اللي انت بتقدم عليها.
-
مثال عملي: حضرتك مقدم على وظيفة مدير مشروع انشائي وموجود في اعلان الوظيفه شروط (منها اجباري ومنها مستحب) زي انك تكون #مهندسـمدني حاصل على شهاده في#الأمنـوالسلامهـالمهنية و بتعرف #ساب و بتشتغل #كاد . البرنامج السالف ذكره بيدخل على السيره الذاتيه بتاعتك يفصصها كلمه كلمه، لو لقيك معماري/ عندك بي إم بي / وبتشتغل ثري دي ماكس---> النتيجه ان عمرك ما السي-في بتاعك ما هيقدر يعدي اول فلتر حتى لو كنت كاتب انك كنت مدير مشروع الهرم الأكبر وبقالك ٧٠٠٠ سنه خبره.. ببساطه
-
الدرس اللي أنا اتعلمته: لازم السيره الذاتيه يتم كتابتها بشكل رأسي متخصص، بمعنى إن الإستراليين (عموماً) بيفضلوا المتخصص وإن خبراتك ما تكونش افقيه (مهندس كشكول يعني) وان خبراتك السابقه تكون مركزه في كل المناطق اللي انت هتذكرها في السي-في.. بمعنى أوضح، لو انت مهندس مدني وهتقدم نفسك انك محترف تصميم انشائي مثلاً، يبقى لازم تكون متعمق وخبره مثبته في الخرسانات مثلاً أو في الستييل أو في الطرق، المهم، انك تظهر بمظهر المتخصص اللي خبرته وسابقة أعماله تتطابق مع المطلوب في اعلان الوظيفه بشكل كبير جداً، واعرف تماماً إن كل ما كانت خبرتك متطابقه مع اعلان الوظيفه كل ما فرصتك انك تتصعد وتطلع درجه لفوق تقربك من خطوة الحصول على الوظيفه،، والعكس صحيح، كل ما كنت راجل شامل وملم بالأمور كلها ولكن بدرجه غير متخصصه، بالتالي درجة تطابق سيرتك الذاتيه مع التوصيف الوظيفي للشغلانه هتكون ضعيفه وبالتالي هتأثر جداً على فرص نجاحك قدام. 
-
خطأي الشخصي: انا مهندس معماري، معايا ماجيستير ادارة أعمال، مدير تنفيذ محترف ومعتمد، اشتغلت تنفيذ،ادارة مشاريع، ادارة مبيعات و ادارة عمليات صناعيه، غلطتي الأساسيه اني كنت بنزل بكل تقلي وبكل خبرتي (١٥ سنه يا ناس!) في السي-في فال الريكروترز علشان هم مش متخصصين، بيحسوا انهم قدام كائن فضائي ومفيش مره السي-في راح لحد منهم الا وكان بيطلب مني انترفيو وجها لوجه علشان يتأكد ان اللي مكتوب داه صحيح، وكنت بروح فعلاً وبيبقوا مبهورين (ياعيني اصلهم مش فاهمين) لكن طبعاً بمجرد ما السي-في بيروح للشركات (الناس اللي فاهمه فعلاً) بيتم غض النظر عنه لانه بالرغم من انه رائع على حد تعبيرهم" لكنه غير مناسب للوظيفه و كنت دايما يتقالي
*Sorry, You are over qualified!! .
- 
المطلوب: االسي-في بتاع سيادتك يكون حسب الشكل الاسترالي المتعارف عليه (نقاط مسلسله) و يكون خالي طبعاً طبعاً طبعاً من أي أخطاء املائيه أو نحويه أو اسلوب ركيك وغير احترافي، اشتركوا في (جرامارلي) علشان التصحيح اللغوي، وادخلوا على وورد كاونتر.نيت علشان تقيسوا مدى تطابق سيرتكم الذاتيه مع الاعلان اللي بتقدموا عليه، خليكوا محددين، دايماً اعكسوا مدى تخصصكم في مجالكم وبلاش تعملوا زي تامر ?
-
*اللي بيسألوا على الشكل بتاع السي-في,هبقى ابعته للي محتاجه منكم، هو بسيط جداً ومافيهوش أي تعقيد بس هم هنا بيحبوا الشكل داه!! يبقى اديهم الشكل داه..

طيب ممكن تبعتلى شكل السي في دة عشان استخدمه. متشكر جداً مقدما

I am trying to submit my CV to several jobs but before reaching Australia and abailable for travel if there's a an approved job offer or a match. Is this the best way to do that or I need to come to Australia first?

The CV always gets the cliche rejection letter that we will proceed with another candidates, and I don't know is this becasue my CV is bad or because I wrote that I am now out of Australia?

ممكن تبعتلي السي في زي ما حضرتك وضحت ؟؟؟ 

This email address is being protected from spambots. You need JavaScript enabled to view it.

شكرا حزيلا,,,

السلام علیكم. اللينك المرفق یحتوى انشأ االله على مجموعه الكورسات اللى بتدرس فى مختلف جامعات استراليا بخصوص
Interview skills
CV/Resume
How to get job
Improve your LinkedIn
Develop your career
وايضا يحتوى على
PTE
تعب ومتابعة كل الجروبس و المواقع خلال الستة شهور اللى فاتوا
یحتوى على شرح مكونات الامتحان وكل تركس وایه احسن تمبلت وكمان تذاكر منین وتنظم نفسك ازاى

Link: https://sites.google.com/view/mohamedawadallah/resources

ارجو النشر على اوسع نطاق
بالنجاح والتوفیق. واالله الموفق

could you send C.V

This email address is being protected from spambots. You need JavaScript enabled to view it.