To introduce newcomers to the rental system in Australia...

Properties (apartments, houses, etc.) are advertised (يعلن عنها )
for inspection (للمعاينة). You can visit the local real estate agents in the area where you want to rent a property, or you can look for properties online on websites, like domain.com.au and realEstate.com.au. 

Usually, you will be required to pay 4 weeks' rent in advance and a bond, which is usually another 4 weeks' rent. The bond is paid to an independent authority. At the end of your lease, any damage you cause will be deducted from the bond, and the rest (if any) will be returned. 

If you like the place at the inspection, you apply to rent it. The application includes the size of the family, number of children, income, and rental history. The real estate agent forwards all applications to the owner, who decides which one he/she likes.

One requirement for applying for rental property is rental history. You need to submit proof that you are a good tenant (مستأجر جيد). Because you are new in Australia, you won't be able to prove your rental history. However, the most important piece of information that landlords need to see is proof for a good, steady source of income.

The following ideas can help in securing a rental contract. 
1. Write a cover letter, in which you explain that you are new in Australia, and you had a good job, which was paying so much before coming to Australia.

2. A bank statement showing you have a lot of money in your bank account, which you brought with you when you moved to Australia. 

3. Offer to pay more than the advertised price.

4. Offer to pay many months in advance.

5. Provide a guarantor (ضامن) who has a good rental history.

When your application is approved, the agent should give you a form, on which you need to write any problems in the property, e.g. holes on some walls, or stains on cupboards. If you don't do that, when you leave the property, they will inspect it. They will charge you, by deducting from the bond, for fixing all these issues. 

As part of the NSW Government’s commitment to improving the rental market, "Rent Check" allows renters, landlords and the community to easily check and compare the median rent range in any NSW postcode: https://www.nsw.gov.au/housing-and-construction/renting-a-place-to-live/rent-check

what about if i am a new comer and no rent history?

بصراحه ياجماعه الموضوع ده عايم و محير جداااا لانه ببساطه بيعتمد علي أولويات كل بني ادم....فقبل ما نتكلم عن تفاصيل الخطوات و ايه اللي تبص عليه في الشقه او البيت اللي انت هتأجره...نتكلم الاول علي اصعب حاجه ...اللي هي إذاي تختار المنطقه اللي هتسكن فيها أصلا و هتختارها علي أنه أساس. 
المشكله ان كل اللي نعرفه عن أستراليا عباره عن أسامي مناطق بالانجليزي موجوده علي google maps... تخيل كده بالظبط واحد ميعرفش حاجه عن مصر راح فاتح الخريطه و لقي الزمالك و بولاق والاتنين لازقين في بعض ...هيفتكر أكيد الاتنين مستواهم قريب من بعض!!! ...طبعا مفيش هنا الفرق الطبقي الرهيب اللي موجود في مصر بس انا بديك مثال يوضح مقوله "الغريب أعمي ولو كان بصير".
طب تعمل ايه؟؟!! .....أول حاجه تكتب أولوياتك بالترتيب .....الاولويات ثابته عندنا كلنا ....بس ترتيبهم بيختلف حسب كل بني ادم ....عامه الاولويات الاساسيه لاختيار المنطقه تتمثل في :

1- القرب من مكان العمل : لو ربنا رزقك بشغل أكيد تحب تكون في مكان قريب منه و تكون المواصلات ليه متوفره ....عامه بقدر الامكان حاول تخلي السكن بتاعك بعيد عن الشغل بمسافه مواصله واحده ...بمعني متخترش سكن تضطر تركب قطر و تنزل بعدها تركب اتوبيس عشان تروح الشغل ...هتلاقي الموضوع مكلف و وقت كتير بيضيع منك.

2- القرب من المدارس : المفروض ان كل المدارس الحكوميه هنا محترمه ....بس في ناس بتحب تدخل أولادها مدارس إسلاميه أو مدارس كاثوليك .... اما لو هتدخل مدارس حكومه ففي موقع في اخر البوست
الموقع ده بيقولك أنه مدارس ال ranking بتاعها أعلي ....فلو أولوياتك المدارس ...شوف الموقع ده و إختار أقرب مدرسه تكون مستواها عالي و قريبه لشغلك.

3- القرب من دور العباده : في ناس تحب تخلي الجوامع / الكنايس قريبه منها ....بكرر تاني, الموضوع بيختلف من شخص لشخص ...طبعا ميزه رهييييبه لو لاقيت جنب بيتك مسجد ...بس خد بالك ...اتأكد من ان الجامع ده ذو خلفيه عربيه ...أنا صليت الجمعه قبل كده في جامع كانت الخطبه كلها باكستاني ...حسيت اني قاعد في معبد بوذي مش مسجد !!!مفيهاش روحانيات و ولا هتفهم حاجه.

4- القرب من التجمعات التجاريه : و دي انا شايفها من الحاجات المهمه جدااااا خاصه اول سنه علي الاقل..و ده لعده أسباب ..أولها انت محتاج زوجتك تبقي قريبه من اماكن السوبر ماركت لسهوله الحركه و خاصه أن في أول فتره مش هيبقي معاها عربيه ...مش منطقي أنها تركب مواصلات ساعه عشان تروح تشتري شبت و بقدونس :) .... و تاني حاجه انت لاااازم تسكن في حته حيويه لعامل نفسي مهم عند مراتك وولادك ..انهم هيبقوا في أول فتره بيحاولوا يتغلبوا علي ال culture shock بتاعه الهجره و ترك الاهل و الوطن ... فلازم يسكونوا في حته حيويه تبهرهم و تخلي علطول في جديد عندهم ...من رأي "شقه في العمار أحسن من بيت في الخلا" .

طيب ذي مانتوا شايفين ... العوامل كتيره و محيره ... تعمل أيه ؟؟!! ...ذي ما قولت ... رتب أولوياتك و شوف ايه اهم حاجه و نشن عليها .... هديك مثال أنا عملت ايه :

أنا اول اولوياتي كانت مدارس الولاد ... فضلت اشوف في الموقع بتاع التعليم ... أنه أحسن مدرسه قريبه لشغلي ...للأسف مكانش في ... أول مدرسه عدله كانت علي بعد 16 كم ... شوفت المنطقه .. لاقيتها مش حيويه ...روحت مدور علي تاني احسن مدرسه قريبه للشغل برده ...لاقيتها علي بعد 18كم ...درست المنطقه كوبس و روحت شفت المدرسه بنفسي ...و لما لاقيت المنطقه فيها معظم أولوياتي (حيويه -مواصلات -مسجد) توكلت علي الله و مبقتش أدور الا في المنطقه دي.

من الحاجات المهمه برده اللي لازم تعرفها ان في حاجه اسمها catchement area لكل مدرسه ...عباره عن منطقه حوالين اي مدرسه في حدود قطر 2 كم ..لازم تبقي ساكن فيها عشان يقبلوا ياخدوك ...هنا نظامهم بالمربع السكني ...فإتأكد ان السكن اللي هتاخده يقع في المسافه دي عشان متلبس في الحيطه. روح المدرسه أو ادخل علي موقعهم غالبا هتلاقي خريطه بالمربع السكني بتاعهم.

ان شاء الله نتكلم في البوست ده عن تستيف الورق اللي تقدمه و شويه فنيات في التقديم و خصوصا لو انت لسه جاي و لسه ربنا مرزقكش بشغل...توكلنا علي الله:

- اول حاجه لازم تعرفها لو انت لسه جاي ...ان الشقق او البيوت اللقطه بتتخطف هوا ...فمتتوقعش انك لو عملت ذي الناس التوتو و استنيت ميعاد الانسبيكشن انك هتلاقي حاجات حلوه و حتي لو لاقيت ...هتلاقي عوشروميت واحد ناطط فيها وورقهم احسن من ورقك.

- معظم اوقات الانسبيكشن بتبقي سبت و أربع...حاول تروح اللي بيبقوا يوم الاربع لان الضغط عليهم مش بيبقي كبير لان معظم الناس بتبقي في الشغل.

- لو لاقيت صور الشقه في الاعلان حلوه اوي...حاول تتواصل مع الايجنت و تقولهم انك مهتم جدا بالشقه دي و انك هتخلص فيها بس محتاج تشوفها في اسرع وقت قبل معاد الانسبكشن ..ممكن تصيب و تخلص فيها قبل ما تتفتح للانسبكشن اصلا (حصلت معايا مرتين).

- بعض الناس بيتصوروا ان لما يدفع كذا شهر مقدم فرصته في اخدان الشقه هتزيد ...الحقيقه الكلام ده مش بيمشي مع كل الناس...لان ببساطه ٩٩٪؜ من مالكي العقارات واخدينها قسط و بيدفعوا اقساطهم الشهريه من الايجار ...فحتي لو خد ٣ شهور مقدم ...هيفضل مخليهم علشان يدفع الاقساط الشهريه...الموضوع ده بيمشي ساعات لما الناس بتبقي لاقيه المستأجر مالوش هيستوري في البلد...يعني جديد و مأجرش قبل كده.

- اللي بيشد اهتمام مالكي العقارات اكتر انك تزود سيكا في قيمه الايجار الشهري من ٥ ل ١٠ دولار زياده في الاسبوع ...ممكن ترسي عليك الشقه حتي لو ورقك مش قوي اوي.

- لو انت لسه جديد وورقك مش جاهز لسه ...و بتحاول تجيب سكن دائم بسرعه ...ممكن تكتب في الابليكيشن ان انت لسه جاي جديد بس عندك حد صاحبك ممكن ي act as a grantor ...يعني صاحبك الجدع ده (إن وُجِد) ممكن يدخل بورقه هو و يمضي ذي ضامن علي العقد (عملناها قبل كده مع كذا شخص) ....بس مش كل مره بتمشي و بتفرق حسب الايجينت.

بالنسبه للورق...لو انت لسه واصل جديد... يفضل انك تقدم الورق الاتي:

١- صوره من جواز السفر
٢- صوره من فوتو اي دي او الرخصه الاسترالي
٣- كشف بنكي.
٤-صوره من شهاده خبره العمل السابق كدليل انك كنت شغال قبل ما تيجي.
٥- صوره من كارت الميديكير 
٦- رخصه العربيه (ان وُجِد)
‏٧- cover letter ...و ده انا شايفه من الحاجات المهمه لانه بيخلي المستأجر يطمن انه مأجر البيت بتاعه لبني ادم بروفيشنال مش واحد جايله من الشارع....انا ظبطت template cover letter ان شاء الله هضيفها للبوست ده قريب.

لو انت بقالك فتره و بتتنقل من بيت لبيت ...ضيف علي الورق اللي فوق الاتي :

٨- صوره من شهاده خبره العمل الحالي 
‏٩- pay slips
‏١٠- ledger history و ده تطلبه من الاجنت اللي ماجرلك السكن اللي انت قاعد فيه ...بيبقي ذي كشف حساب بيوضح انك كنت كل شهر بتدفع الايجار في معاده.
١١- وصولات حديثه للخدمات (النت-الكهربا-الغاز).

هناك اعتقاد شائع بين المهاجرين حديثا لأستراليا أن عدم وجود سجل لالتزام المستأجر بدفع الإيجار في الماضي، يجعل فرصة الحصول على عقد استئجار مستحيلة!

لا شك أن التاريخ مهم، ولكن نحن في بلد مهاجرين، والجميع مر بهذه المرحلة. كما أن الشباب يبدأون حياتهم العملية بدون وجود هذا السجل!

العامل الأكثر أهمية هو وجود مصدر دخل كاف ومنتظم!

ولكن في الوقت الحاضر، جميع سكان سيدني الذين يبحثون عن سكن يعانون للحصول على سكن. الأمر يحتاج لصبر، ودعاء، والتصدق!