If you want to move some stuff, you got many options:

1. Rent a trailer (like the one in the photo). However, you need to make sure you got a hook in your car to connect it to.

2. Rent a Ute (سيارة نصف نقل)

3. Hire a van and a man. It will cost you around $30 an hour.

4. Get a removal company, if you want to move furniture of a complete home (bed room(s), lounge, dining, etc.)

You can find more about these options by searching on Google or Gumtree about the keywords, which I highlighted by making them Bold face.

If you decide to rent a trailer or a ute, make sure you understand the regulations about that, e.g. there are some limitations on how long your stuff can extend outside a trailer.

The following website can help you in getting quotes from different renoval companies. 

https://www.findamover.com.au/

سلام عليكم , بخصوص الموضوع ده حبيت اشارك معاكم تجربه لعل الاخرين يستفيدوا منها
انا كنت شاري بعد الاجهزه من علي موقع ebay

للاستفاده من خصم كان معمول و كمان كنت شاري بعد الاثاث من احد المواقع و حسبت لقيت ان تكلفه الشحن الاجماليه بتاعتهم حتتخطي الـ 200 دولار , يعني حتقضي علي اي وفر انا عملته نتيجه الشراء اون لاين .

فكرت اني انقل الحاجات بنفسي و كنت محتاج اؤجر عربيه لهذا الغرض , صديق لي دلني علي اخ مصري شغال في العربيات النقل و بياجرها, , كلمته و  قالي انه عنده  عربيه  فان سقف عالي قديمه شويه بس الميكانيكا بتاعتها كويسه  , كان اتفاءنا علي 80 دولار في اليوم , لما رحت تاني يوم لقيت العربيه حالتها قديمه شويه و مفككه و كانت كمان مانيوال بس توكلت علي الله و اخدتها و كان معايا صديق لي .

طبعا سواقه العربيه في الاول كان له رهبه نظرا لحجمها الكبير و كمان انها مانيوال بس الرهبه دي راحت بعد عشر دقايق و بقيت مستمتع بسواقتها بصراحه. 

اخدنا العربيه و رحنا جبنا الاجهزه الكهربائيه و بعدين جبنا الاثاث , كان كله عدد 2 تليفزيون و 2 ميكرويف و 2 مكواه و غرفه نوم و 2 سفره , كل ده كل يدوب مالي ارضيه العربيه لكن هي تاخد اكتر من كده بكتير.

طبعا اللي سهل علينا نقل الحاجات ان العمارات فيها مصاعد , غير كده كان حيبقي الموضوع مجهد لكن اليوم عدي الحمد لله و خلصنا بدري بالرغم من اننا رحنا 3 اماكن و بيتين مختلفين علشان ننقل الحاجات و رجعنا حوالي الساعه اربعه و لقيت صاحب العربيه قالي انه كده انه ماخدتهاش اليوم كله فهو حيحاسبني علي 50 دولار بس , طبعا ده كانت حركه ظريفه منه و بالتالي الموضوع كله كده كلفني 50 دولار ايجار العربيه + 15 دولار بنزين = 65 دولار 

نقل العفش
غالبا بندور على شركه نقل عشان اغلبنا مش معاه UTE - عربيه دبابه يعنى- و بتكون الأسعار اللى بتقابلنا فى حدود من 300 ل 500 على حسب عده عوامل منها كميه العفش و المسافه بين البيتين و الدور و حاجات تانيه 
انا لما جيت انقل ماكنتش عايز اكلف نفسى مبلغ زى ده فحبيت اشوف البدايل و ربنا كرم ببديل كويس
فيه موقع اسمه Car Next Door بياجر عربيات من كل الانواع و منهم طبعا اليوت 
انا ححكى تجربتى انا معاه و ربنا يكرم الجميع زى ماكرمنى
انا لقيت عربيه مناسبه لى على بعد حوالى 8 كيلو من بيتى 
دخلت بصيت على ابعاد الصندوق الخلفى بتاع العربيه و قارنته بابعاد الأثاث اللى عندى اللى غير قابل للتفكيك - يعنى مثلا الكنبه مابتتفكش من بعضها ... شوفت طولها و اتاكدت ان صندوق العربيه اكبر منها - 
دخلت شوفت شروط العربيه و اسعارها و كانت كالتالى 
* 45 دولار ايجارها فى اليوم الكامل / او / 9.9 دولار فى الساعه
* 5 دولار مصاريف اداريه للموقع نفسه
* 18 دولار / او / 1.5 دولار .... لتخفيض نسبتك من تكاليف اصلاح العربيه - فى حاله تسببك فى حادثه لا قدر الله - من 2000 دولار الى 500 دولار (البند ده اختيارى)
* 0.33 دولار لكل كيلو متر من ساعه استلامها الى تسليمها (شامل سعر الوقود)
العربيه كانت اوتوماتيك و مكيفه وزى الفل
الموقع فى اول تعاملين اتنين معاك بيحجز عنده 250 دولار من ساعه تاكيد الحجز لحين سداد ايجار العربيه و بيرجعهملك فى الأخر 
المهم انا اجرتها و جبت تلاته صحابى جدعان و نقلنا البيت الجديد على 3 نقلات
و فضلت العربيه معايا لتانى يوم 
الموضوع كله اتكلف معايا 99 دولار شامل كل حاجه ( مشيت بيها 88 كيلو فى اليوم ده) 
الجميل كمان فى الموضوع انك مابتتعاملش مع اى انسان فى اثناء ايجار / رد العربيه
الأيجار اون لاين
بتنزل ابلكيشن على موبايلك يحددلك مكان العربيه ساعه استلامها
تروح هناك تلاقى العربيه متعلق فيها خارجيا خزنه صغيره جدا برقم سرى
تفتح الأبلكيشن و تكريت الرقم السرى و تفتح الخزنه و تاخد مفتاح العربيه و تدور و تطلع
و ترجعها بنفس الأسلوب لنفس المكان
و بعدها بيومين يجيلك الريسيت علاميل تخش تدفعه يرجعولك ال250 دولار بتوعك

و ربنا ييسرلنا الخير جميعا بأذن الله

https://www.carnextdoor.com.au/search…