المدارس في أستراليا ....نتكلم الاول بصفه عامه و بعدين ندخل في التفاصيل.
لو انت جاي بولادك من مصر ......هتستغرب جدااااااا من نظام المدارس هنا ...لأنه مختلف تماماااا عن اللي احنا متعودين عليه ....هنا بيشتغلوا علي تنميه قدرات الاطفال و مبيهتموش بلكم ...فهتحس ان الاولاد مبيخدوش حاجه أصلا بس في نفس الوقت مخهم بيكبر و يتوسع.
من الحاجات اللي برده هتستغربلها في الأول ....انك هتحس انك مش عارف تتابع ولادك في الدراسه ....احنا متعودين ان الولاد ترجعلنا بشقله واجبات نفضل نعملها معاهم حتي مطلع الفجر ....هنا الوضع مختلف ...أنا فاكر أول يوم ابني رجع من المدرسه بواجب عباره عن صفحه واحده ...قعدت معاه خلصناه في نص ساعه ...و اكتشفت اليوم اللي بعده ان ده واجب الاسبوع كله :))...الولاد مبيرجعوش بكتب أصلا ...فمتعرفش ايه المناهج اللي بياخدوها.

من الحاجات الحلوه هنا انهم بيخلوهم يقروا كتير ...و يحاولوا يستنتجوا ايه اللي فهموه من الكتب اللي قروها و ده مفيد و بينمي قدرات كتير عند الأطفال.كمان بيخلوهم يعملوا depating عن طريق انه كل طفل يتمسك بوجه نظر و يحاول يقنع اللي قدامه بيها و العكس ...فبتنمي عندهم فكره المناقشه.
معندهومش حد بيجيب99 % ذينا ....اللي بيجيب 75% بيبقي متوسط أو فوق المتوسط .
بالنسبه للمدرسين ...الناس بتبقي متعاونه أوي و فاهمه يعني ايه الطفل جاي من دوله تانيه مبتتكلمش أنجليزي ....وبيعرفوا كويس اذاي يتغلبوا علي الحته دي. 
نبدأ نخش في التفاصيل ......أولا علشان تدخل ولادك مدارس هنا مبتحتجش غير أنك تجيب شهاده بالتطعيمات مترجمه ...و مش شرط تترجمها في مكتب ...ممكن تروح لأي دكتور أطفال في مصر يكتبلك تقرير باسم الطفل يفيد انه اخد التطعيمات ...و ده يكون كافي .

المدارس عامه 3 انواع :
1-مدارس حكوميه : و دي بتبقي ببلاش ...في حدود 50 دولار في السنه للطفل ...بخلاف الذي الدراسي ....ودي نظام التعليم فيها بيبقي حلو جدااااا .....بس طبعا من عيوبها ان مش هتلاقي فيها حصص دين ولا عربي ....و لو لاقيت حصص دين بتبقي ساعه واحده في الاسبوع و غالبا بيعلموهم الفاتحه...يعني ملهاش لازمه ....و طبعا ده بخلاف تعدد الجنسيات الرهيييييب اللي هتلاقيه موجود في الطلبه....المدارس دي علي اد ما هي حلوه و رخيصه.....علي اد ما هي عاوزه مجهود رهيب من الاباء في المتابعه الدقيقه للاولاد علشان العيال متفلتش .....فلازم تتابع اللغه العربيه معاهم ...او تديهم حصص عربي و دين بصفه استمراريه.

2-مدارس اسلاميه او مدارس كاثوليك: و دي بتبقي مدارس تعتمد علي الاصل الديني .....طبعا من مميزاتها انها بتهتم بالدين و اللغه العربيه بس بتبقي فلوسها اغلي من المدارس الحكوميه ...تقريبا من 1500 لي 2000 دولار في السنه للطفل....بس برده عاوزه متابعه للاولاد ...لان مش كل المسلمين اللي فيها عرب ...في باكستان و هنود و تراكوه و إيرانين ....فساعات المباديء الدينيه بتختلف شويه ...فمحتاج انك تعمل fine tuniing مش أكتر علشان تظبط دماغ الطفل ...و طبعا المدارس الاسلاميه مش متوفره في كل المناطق ...فلازم تحط النقطه دي في الاعتبار عشان المسافات.

3-المدارس الخاصه : و دي بصراحه انا معرفش عنها كتير ...بس اللي انا عارفه أنها مبتفرقش كتير عن المدارس الحكوميه الا في الانشطه الخدميه ....يعني نفس المناهج و الدراسه ...بس مثلا فيها حمام سباحه ...ملاعب انضف ...و هكذا.

نظام الامتحانات عنهم غريب شويه ...أولا المرحله الابتدائيه من grade1 to grade 6 مفيهاش امتحانات نجاح و سقوط ....العيل بيطلع توماتيكي من السنه للسنه اللي بعدها...بس بيبقي في امتحان في grade 3 &5 لقياس المستوي ...و المستوي هنا بيقصدوا بيه مستوي المدرسه نفسها ...الامتحان اسمه NِAPLAN بيبقي امتحان متقسم لاربع اقسام reading , writing , spelling, and numeracy ....في كتب خارجيه بتتباع في المكتبات بيبقي فيها امتحانات و تدريبات لنوعيه الامتحان ده.عاوز تعرف أكتر عنه ...خد اللينك ده http://www.nap.edu.au/naplan/naplan.html

من الحاجات المهمه برده هنا حاجه اسمها selective schools و دي يبتبدأ من grade 7 بتبقي ذي مدارس المتفوقين ذي عندنا في مصر ....دي عباره عن مدارس مبتاخدش اي حد.. بتاخد الطلبه المتفوقين بس ...فبيتم عمل تقيم للطالب مكون من حاجتين ...امتحان يدخله ....و التقيم اللي بيتبعت من المدرسه بتاعته ...و الولد بيملي حاجه ذي تنسيق كده عن طريق انه يكتب اسامي المدارس اللي عاوز يخشها بالترتيب و بناء عن درجاته و العرض و الطلب بيتم اختياره في مدرسه منهم....دي من مميزاتها طبعا ان الولد بيتحط مع عيال دحيحه بس برده ممكن يسبب ضغط نفسي علي الولد نفسه. معلومات اكتر هتلاقوها في اللينك ده .
http://www.schools.nsw.edu.au/…/shsplacem…/ss_sampletest.php

بشكل عام عندما ينتقل الأولاد للدراسة أستراليا، يتم تطبيق التالي: 

١- بالنسبة للمرحلة الإبتدائية (حتى سن 12عام), يتم قبولهم في الصف (السنة) الدراسية المناسبة للنظام الدراسي في أستراليا بغض النظر عن السنة التي درسوها خارج أستراليا.

٢- بالنسبة للمرحلة الثانوية (من 12 وحتى 18)، يتم عمل اختبار لمستوى لغتهم الإنجليزية. فإن كانت جيدة، يلتحقوا بالصف المناسب بسنهم، وإلا فيلتحقون بصفوف تقوية للغة الإنجليزية لفترة، ثم يلتحقون بالصف المناسب لهم.

٣- يتم القبول في الجامعات بناءا على مجموعة من العوامل، ومن أهمها ATAR. وهو عبارة عن مجموع غالبية درجات دراسة الصف 11 والصف 12 من الدراسة الثانوية. هناك تفاصيل كثيرة تخص طريقة حساب ATAR. 

هذه معلمومات عامة ولا تغطي جميع التفاصيل والحالات.

بعض الولايات في أستراليا بدأت بتقديم مرحلة دراسية اختيارية تسمى Pre-school. 

١- موجودة في NSW وفي QLD، وربما ولايات أخرى
٢- هذه المرحلة تعتبر اختراع حديث نسبيا تحاول به الحكومة توفير تكاليف الحضانة Child Care لبعض الأسر.
٣- هذه المدارس غير متوفرة إلا في أماكن محدودة.
٤- ليست جزءا من النظام التعليمي في أستراليا
٥- مدراس حكومية مجانية
٦- اختيارية
٧- يتم القبول فيها قبل سن القبول في المدارس بسنة واحدة.
٨- بالنسبة لولاية NSW، فنظام التعليم الرسمي يبدأ من سن الخامسة، بينما يمكن الدراسة في هذه المرحلة  ابتداءا من سن الرابعة. يحضر الطالب 3 أيام فقط في الأسبوع في إحدى نصفي السنة، ويحضر لمدة يومين فقط في النصف الآخر.