نختار ازاي كريديت كارد ( فيزا - ماستركارد - أمريكان اكسبريس) وازاي نكسب نقط و تسافر ببلاش
########################
#البوست_التاريخي
#البوست_الفشيخ
* هاتعرف إيه فالبوست ده :
- ازاي تصرف نفس مصاريفك العاديه وتاخد نقط تسفرك مصر واي مكان فالعالم تقريبا ببلاش.
- الفرق بين الكريدت كارد وال ATM.
- انواع الكريدت كارد المختلفه.
- ازاي تشترك ببلاش في كوانتاس انت واسرتك.
- ليه لازم يكون عندك كريدت كارد.
- ليه تصرف مصاريفك الشهريه وماتاخدش نقط اذا كان ممكن تصرفهم وتاخد نقط.
- ايه احسن كارت يديك نقط.
- ايه افضل نوع نقط؟
- ازاي تجمع وتصرف النقط.
- ازاي( ممكن) تشيل المصاريف السنويه لبعض الكروت.
- ايه هي المواقع اللي مفروض تتابعها عشان تعرف الكروت والعروض.
- لو عاوز البوست التاريخي وبوست التثبيت والبوست الفشيخ يبقي هو ده.
*****ملحوظه مهمه جدااااااااااااااااااااا****
########################
من الاول كده.. انا غير مسؤول عن مايقوله البعض بحرمانيه الكروت... انا بأبرئ ذمتي قدام ربنا من اي حد يقرأ البوست ومايتقصاش حرمانيته من حلاله... انا مقتنع انها مش حرام... انت بقه روح اسأل واستقصي وتتبع الحرام والحلال فيه...ان كانت حرام فانت شيل الوزر وانت كانت حلال فلا وزر.... وماليش انا اي مسؤوليه... قبل ماتاخد برأيي... روح اسال حرام ولا حلال والللي تثق بيه اعمله.. وانا ببرئ ذمتي من اي واحد ما يتقصاش الحلال والحرام فالموضوع. اللهم قد بلغت اللهم فاشهد
البوست ده من باب خير الناس انفعهم للناس وانا مقتنع ان ده بالطريقه دي مش حرام******
######################
* يعني ايه كريدت كارد ويعني إيه ATM وايه الفرق بينهم؟
----------------------------------
- الاتنين كارتين بتاخدهم من مؤسسة ماليه زي البنك مثلا
- ال ATM بيبقي كارت غالبا من البنك بتاعك. بيخليك تسحب او تدفع فلوس او تشتري من الرصيد بتاعك عندهم. يعني لو عندك الف دولار فالبنك يبقي ماينفعش تصرف او تشتري باكتر من الالف دولار لان ده الرصيد بتاعك اللي انت بتسحب منه.
- الكريدت كارد Credit Card دا كارت بتاخده من اي مؤسسه ماليه حتي لو مش البنك بتاعك. وبتدفع منه مشتريات او تسحب فلوس ولكن مش من رصيدك. دا البنك بيسلفك وفي اخر الفتره الزمنيه ( غالبا شهر او اربعين يوم) انت بترجع الفلوس دي للبنك.
يعني بتسحب من رصيد مش بتاعك. يعني لو رصيدك فالبنك الف. ممكن تصرف خمسه الاف. المهم في اخر الشهر ترجعهم.
-أنواعهم ايه؟
ماستر كارد فيزا أمريكان اكسبريس
اشهر الانواع
- هل لازم من نفس البنك بتاعي؟
لا طبعا
من اي بنك او موسسه ماليه زي أمريكان اكسبريس اللي هي مش بنك
- طب هادفع ازاي اذا كان مش من البنك بتاعي ؟
مليون طريقه للدفع. بتخلي البنك التاني يسحب مباشره من بنكك (احسن طريقه) او عن طريق البوسطه او تدفع في حسابهم.
- ايه عيوب الكريدت كارد؟
انك لو اتاخرت عن التسديد فالفتره المحدده هيبدأوا ياخدوا منك فوايد ( كده بقه اكيد حرام وربا لانك زي ماتكون بتستلف وترجع بفايده)
عشان كده ابدا نهايا خالص مالص ماتصرفش من الكارت اكتر من اللي معاك تسدده. ماتصرفش عالمكشوف. يعني مش يكون في رصيدك الف وتروح تصرف الفين. كده انت بتلبس فالحيطه. اللهم اني قد بلغت اللهم فاشهد.
* ليه لازم يكون عندك كريدت كارد?
---------------------------
حسب معلوماتي المحدوده. انك لما تيجي تشتري بيت في أستراليا لازم يكون عندك حاجة اسمها Credit history ولازم يكون الهيستوري ده كويس. الكريدت كارد ده هو جزء من الكريدت هيستوري بتاعك. البنك بيشوف انك عندك كريدت كارد وانك بتسحب وتصرف فلوس منه وترجع تسددها في اوقاتها وانك مش متعثر. فاكده البنك يعرف انك بتعرف تستلف فلوس وترجع تردها في وقتها. فايديك القرض ويسلفك وانت هاتعرف تسدده في وقته.
و النقطه اللي فاتت اهم نقطه في رأي من كسروا التحريم لان شرا البيت ضروره في استراليا ومش هاتعرف تشتري او هايكون صعب انك تشتري من غير الكريدت هيستوري.
ييقي سيادتك تطلع الكارت وترجع الفلوس في وقتها قبل مايحسب عليك فوايد.
* ايه فوائد الكريدت كارد ؟
-------------------
- انك تصرف نفس مصاريفك العاديه ولكن هاتاخد نقط عليها.
النقط دي علي حسب نوعها ايه. ممكن تستبدلها بمشتريات زي تذاكر طيران او نقط تحولها لفاوشرات او قيمه ماليه تقدر تتسوق بيها من معظم اماكن أستراليا.
ان بعض الكروت بتديك تأمين متعدد :
تامين عالسفر لو رحلتك اتاخرت او اتلغت او شنطك ضاعت او اتاخرت وتأمين صحي للطوارئ طول مانت مسافر الدوله اللي انت مسافرها
تأمين علي مشتريلتك وممكن ترجعها في خلال فتره معينه
بعض الكروت بيديك مرتين او اربع مرات فالسنه دخول اللاونج Lounge في بعض المطارات
كروت بتديك كاش باك فالكارت
* ايه القواعد المهمه اللي الازم أعرفها قبل ماشترك في اي كارت؟
--------------------------------
- الحدايه مابتحدفش كتاكيت. الحكومه في بلد زي استراليا بتمص دم المواطنين وبتخلي كل التجار يمصوا دم الشعب وبيضحكوا عليهم بطرق تسويقيه كلها نصب زي نظام النقط اللي بتاخدها لما بتشتري اي حاجه. نقط فلاي بايس مثلا قمه النصب والاحتيال بمعني انك لازم تصرف الفين دولار عشان تاخد الفين نقطه عشان يحولك الالفين نقطه بعشره دولار بس. يعني بيديك نص فالميه من مشترياتك bonus.
واماكن زي كولز وولورث بيحققوا مكاسب سنويه بالمليارات. ودا طبعا قمه النصب خاصه لو الناس اللي جايه من الخليج كانت شايفه نظام النقط فالبنوك او المحلات العاديه اكتر من كده بكتير.
- البنوك برده مابتختلفش عن التجار العاديين. بيدوك من نص الي واحد نقطه لكل دولار علي مشترياتك بالكارت . فبالتالي برده انت مش كسبان قوي. يعني مثلا لو عاوز تسافر لوس انجلوس في امريكا ببلاش يبقي هاتحتاج عالاقل 84000 نقطه كوانتاس و تكلفتهم عالاقل انك تكون صرفت ٨٤ الف دولار عشان يديك تذكره ببلاش تمنها اقل من الف دولار. قمه النصب.
- طب اذا كان كده الوضع هاوفر ازاي؟؟؟؟؟
القصه كلها في انك تشترك في كارت يكون بيعطي فالاول مكافأه للي يشترك معاهم. وتكون المكافأة دي كميه نقط رهيبه تتراوح من خمسين ل ١٥٠ الف نقطه لو اشتركت معاهم. وهنا بقه يبدأ اللعب.
* ايه انواع النقط اللي ممكن اكسبها في أستراليا ؟
-------------------------------
- فيه نوعين من النقط:
١-نقط البنك نفسه ( كومنولث ، سيتي بانك ،امريكان اكسبريس)
ودي بتحولها لمشتريات بعد كده علي حسب كل بنك مشترك مع انهي شركات
ونقط كل بنك بتختلف في القيمه المالية والسوقيه بمعني ان نقطه البنك لا تساوي واحد دولار ولا تساوي نقطه واحده من كوانتاس مثلا
عيوبها ايه؟
انها نقط قيمتها السوقيه رخيصه ولما تحولها لفرجن او كوانتاس بتحتاج من نقطتين لتلاته عشان تحولهم لنقطه واحده من كوانتاس مثلا
ولا انصح بيها
٢- نقط شركات:
يعني كارت بيديك نقط الشركة مباشره وفقط
زي كارت يديك نقط كوانتاس او فيرجين او كولز
وده اللي برشحه طبعا
* ايه هي مواصفات الكارت اللي ممكن اكسب من وراه واوفر فلوس كتيره ؟
------—-------------------------
- كارت يكون بيدي مكافاه نقط كتيره افتتاحية فالاول للمشتركين الجدد
- كارت يكون تمنه اقدر ارجعه مشتريات ومميزات اخري
- ارخص كارت بأكتر عدد نقط افتتاحيه
- كارت لايكون من شروطه وجوب التجديد بعد سنه
- يكون النقط بتاعته في حاجة انا اقدر استخدمها زي نقط كوانتاس او فيرجين
- يكون عالاقل بيدي نقطه واحده مقابل كل دولار ادفعه مشتريات
* اعرف ازاي انا محتاج انهي نوع من النقط؟
--------------------------------
بتختار علي حسب انت محتاج ايه
- لو عاوز تحجز عالاماراتيه يبقي تختار كارت يديك نقط كوانتاس لانك ممكن تحجز بيها عالاماراتيه
- لو عاوز تحجز عالسنغافوريه او الاتحاد يبقي نقط فيرجين
- لو عاوز نقط تسافر بيها اي مكان يبقي تشوف انت عاوز تسافر فين واي خطوط طيران بتروح هناك وساعتها تختار كوانتاس او فيرجين
- لو عاوز نقط فلاي بايس من كولز عشان انت بتشتري من كولز علطول يبقي تشترك في كارت كولز اللي بيديك نقط فالاول
*طب هو كم نقطه من ايه يعملولي ايه؟
-------------------------------
- انت ممكن تسافر لمصر رايح جاي عالاماراتيه بحدود 95 الف نقطه كوانتاس لو اخترت كلاسيك ريورد سيت
Classic rewards seat
( ادخل علي موقع كوانتاس وشوف الرحله بتاعتك تكلف كم نقطه)
https://www.qantas.com/au/en/frequent-flyer/categories/flights.html
دي صفحة الشركات الصديقه لكوانتاس اللي ممكن تحجزها عن طريق موقع كوانتاس وباستخدام نقط كوانتاس
اختار
Emirates >>search flight >> chose your flight >> click on use points & click on classic rewards
هايطلعلك تكلفه الرحله كم نقطه
غالبا رايح جاي مصر ب 95 الف نقطه
يعني لو معاك النقط دي هاتوفر حدود 1800$ مثلا
فقط بتدفع الضرايب tax
اهم حاجة لازم يكون كلاسيك ريورد
لان دي هي كراسي النقاط المخفضه
ودي لازم تكون فاهم انها مش موجوده علطول
ولازم قبلها بفتره حدود شهر او اتنين
لانها بتكون عدد معين علي كل رحله
- ممكن تسافر رايح جاي لوس أنجلوس ب 84 الف نقطه
ودي انا شخصيا عملتها من كم شهر
دفعت ضرايب بس
والتذكره كان تمنها 1100 $
- نفس الفكره في كل السفريات لكل دول العالم
* ازاي اشترك في عضويه كوانتاس ببلاش من غير مادفع 100$؟
------------------------------
طبعا حاجة نصب ومقززه. اول مره اشوف شركة طيران تاخد تمن انك تشترك في برنامج النقط بتاعها اللي هو مجاني في كل طيران العالم
اللينك ده هايخليك تشترك ببلاش
https://www.finder.com.au/free-qantas-frequent-flyer-membership
ايه هي الكروت اللي انا برشحها وليه؟
----------------------------
1) Qantas American Express Ultimate card
®®®®®®®®®®®®®®®®®
دا الكارت اللي انا مشترك فيه وبرشحه
#مميزاته:
- 100 الف نقطه كوانتاس افتتاحية
( بتاخدها لو اشتريت بالكارت بقيمة 3000$ في خلال 3 شهور وده طبعا كلنا نقدر نعمله)
(العرض هاينتهي 14 April
بعد كده هايبقوا 50 الف نقطه بس)
- 450$ Qantas credit
بيديك 450 $ تشتري بيهم مره واحده فالسنه تذاكره من كوانتاس في اي رحله للعالم داخلي او دولي بشرط انها تبقي على طيران كوانتاس
- 4 مرات دخول لاونج فالمطار في السنه
2 Qantas lounges
2 American Express Lounge
( مختلف عن كروت الخليج اللي كانت بتدخلك اي لاونج في معظم مطارات العالم)
- بيديك نقطه وربع كوانتاس لكل دولار تصرفه
ونقطتين وربع لو بتشتري من كوانتاس
- غالبا الكارت الوحيد او من القلائل اللي ممكن يديك نقط علي مدفوعات حكوميه ( زي مصاريف الكليه ، الريجو، الكاونسل ، مخالفلت المرور وغيرهم) بيديك نص نقطه لكل دولار
- تأمين عالسفر والمشتريات وخلافه
- سهوله الاشتراك معاهم: بتعمل ابليكيشن اون لاين
بيتصلوا بيك
بتبعتلهم ID & 2 payslip
الكارت بيجيلك في اقل من اسبوع
- ينفع تعمل عدد غير محدود من الكروت باسم مراتك واولادك مثلا ببلاش. وكلهم بيصبوا في نفس الحساب
- mobile application is sooo friendly
- ينفع تعمل توصيه لصديق ولو صاحبك اشترك بيجيلك 60000 نقطه مكافأة
( اللي عاوز يعمل يقولي وانا ابعتله دعوه وهو هياخد 100 الف نقطه وانا هاخد 60 الف) ???????????????
#عيبه:
-450$ اشتراك سنوي
هل ده عيب؟اطلاقاااااااااا فلوسك هاترجعلك وبزياده
- ان في بعض المحلات مش بتقبله زي Aldi مثلا وبعض المطاعم
الزيتونه فين؟؟؟؟؟؟؟؟؟؟
إنك هاتدفع 450$ اشتراك وهيرجعولك كريديت كوانتاس 450$ تسافر بيهم في اي حته
يبقي كده انت دفعت صفر
يزيد عليهم بقه انك هاتاخد ? الف نقطه تسافر بيهم مصر
يعني كده وفرتلك اكتر من 1500$
وكمان هاتاخد اربع دعوات لاونج مجانيه ليك ولاسرتك
غير ان كل رحلاتك وكل مشترياتك عليها تأمين
يبقي انت كده كده كسبان
ولو عملت referral لأي صديق هاتاخد 60
الف نقطه
مره تانيه
العرض هاينتهي 14 April
بعد كده هايبقوا 50 الف نقطه بس
دا لينك refer بتاعي
http://amex.com.au/refer/aHMEDajgb1?CPID=100199915
او ممكن اي حد يبعتلي برايفت وابعتله لينك
ودا لينك الموقع الرسمي
https://www.americanexpress.com/au/credit-cards/qantas-ultimate-card/?intlink=au-en-hp-ca1-cta-all-qantasultimate-03092019-HeroID_1
2) ANZ Frequent Flyer Black
®®®®®®®®®®®®®®®®®®
الكارت انا مشترك فيه برده وكويس مع انهم شالوا منه ميزه وغيروا مواصفاته
# مميزاته:
- بيديك 120 الف نقطه كوانتاس افتتاحيه
( بتاخدها لو صرفت 4000$ في خلال 3 شهور)
- بيديك $275 كاش باك . يعني بيرجعلك فالكارت فلوس قيمتها 275 دولار
-عدد 2 Qantas lounge فالسنه
- بيديك 1 نقطه كوانتاس لكل دولار بتصرفه
- بيديك تامين عالسفر والمشتريات وغيره
#عيوبه مقارنه ب اميريكان اكسبريس عنه:
انه مافيهوش 450$ Qantas credit
عدد 2 لاونج بدل 4
بتاخد نقطه واحده بدل نقطه وربع لكل دولار
مافيهوش referral لصديق
ماينفعش تاخد بيه نقط في مدفوعات حكوميه
#عيوبه:
الاشتراك السنوي 425 $
هل دا عيب؟ اطلاقاااااااااا فلوسك هاترجعلك وبزياده
# الزيتونه:
بتدفع 425 اشتراك بيرجعلك منها 275 يبقي الكارت وقف تمنه ب 150 $
هتاخد في مقابلهم 120 الف نقطه تسافر بيهم بببلاش تقريبا لمصر او اي مكان يعني وفرت من الف ل 1500 $
دا غير مرتين دخول لاونج
وتامين ع المشتريات والسفر
يعني انت كسبان كسبان
https://www.finder.com.au/anz-frequent-flyer-black
3) Qantas premier platinum:
®®®®®®®®®®®®®®®®®
كان فيه عرض كويس بس للاسف خلص
عشان كده مش برشحه
#مميزاته:
- 80 الف نقطه لو صرفت 5000$ في 3 شهور
- 2 لاونج مطار
- تأمين سفر
- نقطه كوانتاس مقابل كل دولار
#عيوبه :
- 300 $ سنويا
- عن طريق citi bank يعني لو مش معاك pr مش هاتعرف تعمله
عامه لا انصح بيه
https://www.finder.com.au/qantas-premier-credit-card
4) emirates city world mastercard
®®®®®®®®®®®®®®®®®®®
كارت لطيف من سيتي بانك
)اللي مش هايديك الا لو انت pr)
بيديك 60 الف نقطه طيران الإمارات مباشره
وليس كوانتاس
ومش بيطلب منك انك تصرف مبلغ معين في فتره معينه عشان تاخدهم
لا.. بس طلع الكارت وخلاص
تمنه 150 أول سنه
وبعدين 300 من تاني سنه
برشحه كارت تاني تاخده جمب الاولاني
يعني يبقي عندك كارتين
https://www.finder.com.au/emirates-citibank-world-mastercard
5) Coles rewards mastercard
®®®®®®®®®®®®®®®®®®
لا انصح بيه حاليا لان مش عليه عرض
كان بيديك 100 الف نقطه فلاي بايس
و يعني تقريبا تحولهم 500 $
وتدفع اشتراك سنوي 100
يبقي انت كسبان 400
ولكن مش موجود للأسف
وغالبا برده من citi bank
يعني مش هاتنفعك لو مش معاك pr
https://www.finder.com.au/coles-rewards-credit-card
6) NAB Qantas Rewards Signature
®®®®®®®®®®®®®®®®®®®®
هايديك 130 الف نقطه كوانتاس لو صرفت 3000$ في شهرين
وتمنه 295
ولكككككككككككن
بيجبرك ان حسابك يفضل مفتوح لمده آكتر من سنه عشان تدفع اشتراك السنه اللي بعدها 395
ولااااااااااا ارشحه
https://www.finder.com.au/nab-qantas-rewards-signature
* طب أعرف منين العروض وازاي اقارن لين الكروت الموجوده؟
-----------------------------
- فيه مواقع بتقارن مابين الكروت
احسنهم موقع finder
بتعرف تدور وتعمل فلاتر علي حسب اللي انت عاوزه
اما اسم البنك او نوعيه النقاط وحاجات كتيره
يفضل جدااااااااااااااااااااا تفتحه من لاب توب
https://www.finder.com.au/credit-cards/qantas-frequent-flyer-credit-cards
-نقطه مهمه وهي ان بعض الاوقات بيكون في عروض علي الكروت موجوده في مواقع معينه ومواقع تانيه لا
اوقات بيبقي العرض عالموقع ومش موجود علي موقع البنك نفسه
هاحط لينكات موقعين قريبين من بعض وبيعملوا عروض
وفي نفس الوقت الموقعين بيعملوا مقارنات وتحليل للكروت َالعروض
ومعلومات عامه عن الكروت
https://www.pointhacks.com.au/credit-cards/qantas-frequent-flyer-cards/
https://thechampagnemile.com.au/credit-cards/qantas-frequent-flyer-credit-cards/
- هل انا باخد السنه اللي بعدها نفس ال 100 الف نقطه تاني؟
—------------------------------
لا طبعا.. دا عرض افتتاحي بس
*طب انا كده هالبس اشتراك 450 السنه اللي بعدها!! ازاي اتجنب ده وازاي اقلل الاشتراك السنوي ؟
------------------------------------
- الموضوع بسيط
قبل ما السنه تخلص كانسل الكارت
ودا لن يؤثر عالنقط بتاعتك في حساب كوانتاس
وطلع كارت تاني من مكان تاني
ماينفعش تكنسل الكارت وتطلعه تاني بعديها علطول
ممكن تطلع نفس الكارت تاني من نفس البنك بس بعد الغاء بتاعك ب 12 شهر
فابيعتبروك مشترك جديد
- في طريقه تانيه واحد زميلي عملها مع البنك
قالهم عاوز اكنسل الكارت عشان مصاريفه عاليه
البنك شاف انه بيكسب من وراه لانه بيصرف مبلغ محترم كل شهر
فالبنك شاله المصاريف السنويه
* ايه الخلاصه والنصيحة النهائية ؟
---------------------------
انك تشترك في كارت بيديك نقط زي كوانتاس
تاخده ويكون معاك نقط تسافر بيهم اي مكان زي مصر
تدفع تمن الكارت وتستمتع بيه وقبل ما السنه تخلص تكنسله عشان مايدفعش عليك مصاريف سنويه
وممكن نعمل زيي وتجيب كارتين
انا ارشح الاميريكان اكسبريس
وجمبيه كارت الاماراتيه او anz
وقبل ماتعمل اااااي حاجة
تسأل عم حرام وحلال عشان ماليش دعوه بيك
وبقولها تاني
انا غير مسؤول عن مايقوله البعض بحرمانيه الكروت... انا بأبرئ ذمتي قدام ربنا من اي حد يقرأ البوست ومايتقصاش حرمانيته من حلاله... انا مقتنع انها مش حرام... انت بقه روح اسأل واستقصي وتتبع الحرام والحلال فيه...ان كانت حرام فانت شيل الوزر وانت كانت حلال فلا وزر.... وماليش انا اي مسؤوليه... قبل ماتاخد برأيي... روح اسال حرام ولا حلال والللي تثق بيه اعمله.. وانا ببرئ ذمتي من اي واحد ما يتقصاش الحلال والحرام فالموضوع. اللهم قد بلغت اللهم فاشهد
البوست ده من باب خير الناس انفعهم للناس وانا مقتنع ان ده بالطريقه دي مش حرام******
######################
البوست بناء علي خبرتي الفرديه الشخصية
البوست مفتوح للتعديل والاقتراحات
ولو قلت معلومه غلط ياريت الشباب يصلحوهالي وانا اعدلها
لا تنسوني من دعائكم
#ماستركارد
#فيزا
#اميريكان_اكسبريس
#visa
#mastercard
#Americanexpress
#creditcard
#atm
#كريدت_كارد
#خير_الناس_انفعهم_للناس
#البوست_الفشيخ
#البوست_التاريخي
#بوست_التثبيت
