1- إصدار شهادة الميلاد من الموقع https://onlineforms.bdm.nsw.gov.au/application/birth_details

التكلفة 60 دولار ومحتاجين 3 اثباتات شخصية لكل من الأب والأم والتقديم كله أونلاين، استلمت الشهادة في البريد في 3 ايام (ممكن تطلب اكتر من شهادة وممكن تطلب شهادة commemorative لو حابب)

ده لينك فيه تفاصيل الإثباتات المطلوبة: https://www.bdm.nsw.gov.au/Pages/births/birth-certificate.aspx

بالنسبة لاسم الطفل مش بالضرورة تكتب اسم رباعي او خماسي وحتى لو عايز تغير اسم العيلة براحتك

2- إصدار شهادة إثبات الجنسية Evidence of Citizenship (اعتقد دي مش مطلوبة لو الأب او الأم مواطن/مواطنة استرالي):

بتدخل على immi account وبتختار Evidence of Citizenship تكلفتها 192 دولار، بتحتاج فورم 1195 ودي لازم تتمضي من مواطن استرالي من ليست وظايف معينة اسهلها medical practitioner وهتحتاج صورة فوتوغرافية للطفل بمقاسات الباسبور الاسترالي هتصوره من اي مكان تصوير زي camera house في اي مول، هتملى الفورم وتطبعها وتاخدها هي وصورة الطفل لل GP بتاعك يمضيلك عليهم الاتنين تعملهم scan وتقدم الابلكيشن، الموافقة وصلتني عالايميل بعد كام ساعة والشهادة نفسها وصلت بالبريد بعد يومين

3- إصدار الباسبور:

الباسبور بيطلع من خلال Australia Post هتدخل عالموقع ده https://auspost.com.au/id-and-document-services/passports/apply-for-a-new-australian-passport

ممكن تملى فورم الباسبور اونلاين وتطبعها او تزور فرع Australia Post تاخد فورم hard copy تملاها بالقلم، هتحتاج مواطن استرالي برضه يمضيلك عالفورم وعلى صورة الطفل (ممكن نفس الشخص اللي مضى على فورم 1195 او اي مواطن استرالي تاني عادي لا يشترطوا وظايف معينة زي شهادة الجنسية) ومن نفس الموقع هتحجز موعد للتقديم عالباسبور، هتروح يوم ما حجزت الموعد معاك أصل شهادة الميلاد وأصل شهادة الجنسية ورخصة القيادة بتاعتك (يكون العنوان فيها صح)، بيطلعوا فقط عالأصول وبياخدوا الفورم والصور (صورتين) بتدفع 150 دولار والباسبور وصل في 7 ايام عمل من غير ما اقدم على مستعجل ولا حاجة