و عليكم السلام :-
١- ألف مبروك و ربنا يوفقك للافضل دايما .
٢- لازم تظبط السي في بتاعك تكون متمشية مع نمط السي في هنا ، تظبط شغلك و مهامك فيها .
٣- لازم تظبط لينكدان بروفيل بتاعك :- ( endorsements, recommendations, etc,yiur networks.....) و خلي بالك بناء النت ورك بياخد وقت و خاول تضيف الناس اللي بمجالك او بيخدّموا علي مجالك
٤- بعد ما تظبط اللي قدّم علي وظيفتين او تلاته حبذا لو صديق عامل لك ،referral علي أحدهم
٥- ما تحرقش السي في بتاعك بالتقديم من بره خاصة مع ال Resource manager or specialist in construction companies لان فيه احتمال هيحطك بلاك ليست ، فهيقفل السي في بتاعتك علي مستوي الشركة كلها علي كل استراليا ( بكلمك من واقع تجربة ) .
٥- بحثك عن شغل لازم يكون علي كل استراليا مش NSW بس
٦- اتمني من الله انه يكون ال communication بتاعك كويس ، فبتعرف تعمل انترفيو و تتعامل مع الناس ، و هذا شئ لو عرفته عظيم.
٧- اتعلم ترد ازاي علي أسئلة زي الخبرة المحلية ،و الخبرة هنا جزء كبير جدا بيبقوا قلقنين هل هتلف مع ترس الشغل و مع التيم و لا لأ ، ؟ جزء منها معرفتك بالأكواد ، جزء منها ثقتك بنفسك انك بتعرف تتعامل مع التغيير و واجهة بيئات مختلفة ، ( ده باختصار الي ان نتحدث بالتفصيل عن الخبرة المحلية)
٨- لازم يبقي ( جلدك تخييييين ) بمعني :-
- لازم تقبل انك خرجت من منطقة ال comfort zone الي مناطق مختلفة فمحتاج تبقي فليكسابل .
- محتاج تبقي فلكسابل في الشغل بالموجود زي مثلا توصيل الطلبات او اي شغل كاجوال لحين الخصول علي شغل
- محتاج تبذل مجهود اكبر ، كل خطوة ليها تعبها.
- لازم تتعرف علي مصريين و عرب و تخرج تقعد معاهم تعرف البلد و خبراتهم ( اذ ربما و احتمال كلمة شخص يقولها يفرق معاك ايام تدوير و بحث؟
- متتكسفش تسأل :- الي الان مع ان بقالنا سنيين في البلد لسه بنسأل و بنتعرض لمواقف لم تكن في الحسبان)
- حاول تعرف ناس شبهك او بالأدق شبه ظروفك في الفيزا و المهنة و دخلوا قبلك البلد و مسارهم فين و عملوا ايه ، ده لانهم هيبقوا عندهم المعلومة القريبة للصواب لاي ظرف او مشكلة عندك لان الناس القديمة ( المتواجدين بقالهم فترة بالبلد ) اكيد نسيوا و الظروف الفيز اتغيرت .
- تاني خلي جلدك تخين
٩ - هل فكرت في مديول انك تبحث عن بيزنس صغير و تشتريه بلا هندسة بلا بتنجان ؟
فيه انواع من البيزنس هنا بيبقي مع income guarantee ، متاخدش كلامي اكيد و ثقة و ابحث بنفسك ، و الله فيه فرص ذهبية و علي فكرة دي من الجاجات اللي للاسف انا ك هاني عرفتها متأخر ، فيمكن تظبط معاك انت ليه لأ؟
١٠ - شوف فيديوهات الشباب علي القناة، ربنا يبارك كلهم كلها معلومات و خبرات يمكن معلومة تفيدك
https://youtu.be/6LmFi2T4yEw?si=DSCD8emmPrBDA1tN
١١- من وسط التجمعات اللي هتقابلك هنا في الأخير هتصفصف علي مجموعة من الاصدقاء خليك معاهم و استشيرهم في امورك و اسمع اكتر و ان شاء الله ربنا يوفقك و ييسر لك أمرك ، و نشوفك من أكبر مهندسين أستراليا .
