خبر مش جديد لكنه مفيد للناس اللي بتعمل تقييمها عن طريق فيتاسسيس VETASSESS وهي جهة المعادله الرسميه في مجال التعليم المهني وتقييم التدريب (التعليم والتدريب المهني) المؤهل فيما بعد لإستكمال اجراءات الهجره..
فيتاسسيس استحدثت خدمه (مدفوعة الأجر) اسمها SAS The Skills Assessment Support وتهدف الخدمة دي لتقديم مسانده و دعم مفصل بشأن كيفية تقديم طلب تقييم/معادله للمهن العامة والمتخصصة بشكل مكتمل ومستوفي الشروط ويقدر الواحد بعديه يقدم ملفه للتقييم وهو مستريح من غير قلق لإنه بالفعل متراجع من الجهه اللي هتبت في أمر طلب المعادله في الآخر.. 
طبعا الموضوع فيه شق ربحي (مش عيب بالمناسبه) لكن مفيد للناس كلها وخصوصاً بالنسبه لبعض المهن غير المتعارف عليها زي المهنيين (طباخين/نقاشين/ميكانيكي السيارات..الخ) واللي عليهم طلب شديد في سوق العمل الأسترالي بالمناسبه. 
خدمة SAS لمساندة التقييم بتوفر لك خيارين: إما فحص المستندات الخاصة بيك قبل ما تقدم وبيان ايه الناقص فيها و ايه اللي محتاج يتعدل أو يتضاف وبعديها بتكون مكالمه تليفون فيها ارشادات خطوه بخطوه عن طريقة التقديم وعمل ال Lodgment أو بيوفروا امكانية التشاور حول وظيفه بعينها لو انت مش متأكد من مهنتك Nominated Occupation..
الموقع الرسمي: : http://www.vetassess.com.au
بالتوفيق للجميع..