الnbn او ال national broadband network
عشان تشتغل في توصيل ال nbn لازم تبقى عارف ان الموضوع محتاج شوية كورسات و حبة مذاكرة (الموضوع بسيط للمهندسين و لمهندسين الكهربا خصوصا) و فلوس.
الكورسات معظمها من comtech او من jbhunter:
1. White card. المدة يوم
2. Work safely at heights. يوم
3. Power awareness. يوم
4. First aid ticket. يوم
5. ACMA open registration و ده اهمهم ده حوالي 5 ايام عمل
6. Traffic management و ده شركة زي tandem بتطلبه مش كلهم
7. Work safely at manholes و ده tandem برضه و الباقي لأ
8. Endorsement. أربعة ايام
ملحوظة:
ممكن توفر لحد نص تمن الكورسات عن طريق ان يكون معاك citb و ده رقم بتقدم عليه بيطلعلك و انت بتحجز الكورس بتدخله و
بيخصملك تقريبا لغاية نص تمن الكورس .

لما تخلص ال ACMA و تستلم منهم الشهادة (statement of attainment) او soa هاتخدها و تخش على سايت من واحدة من الخمس هيئات اللي بتمنح شهادة و حق مزاولة مهنة فني اتصالات زي Asial مثلا
هيحتاجوا منك ACMA soa + شهادة تثبت انك اشتغلت 360 ساعة على كابلات كهربا او اتصالات داخل استراليا و تقريبا مافيش حد جي لسه جديد بيكون معاه الشهادة دي فبتجيب
Statutory declaration و بتكتب فيه انك معاك الخبرة دي و بعدين بتمضيه من من حد استرالي يكون شغال مثلا في اقرب مكتب بريد.

خلي بالك ان ال declaration ده ورقه لو اللي مكتوب فيها مش حقيقي ممكن توصل ل سنتين سجن و ده اللي سمعته.
بعد ما تقدم و يبعتولك كارت العضوية انت كده بقيت فني اتصالات (مبروك?)
تاخد بقى الورق ده كله و تروح تشتري فان و حبة tools
و دول هايعملوا في حدود 15000 دولار ده غير تمن الكورسات طبعا و على فكرة 15000 ده كده اقل حاجه ممكن تصرفها عالحاجات دي انا سمعت ناس صرفت 50000.
ليستة التولز المبدأيه attached
طيب خلصت كل الكلام ده تروح بقى لشركة زي
1.tandem
2.bsa
3.tech2
و تقولهم انك جاهز تبقى nbn technician و انك معاك كل الورق و جاهز تشتغل و بالتوفيق