السلام عليكم جميعاً

دى تجميعه سريعه كده لبعض المهن المرتبطه بالانشاءات عموماً و المشاريع السكنيه خصوصا اللى ممكن الناس تتوجه ليها بعيداً بشويه مذاكره و مصاريف بسيطه بالمقارنه باللى هتصرفه لغايه ما تلاقى شغلانه ثابته،
دى مهن حره ممكن الواحد يشتغلها و يكون sole trader بيعمل شغله الخاص ، انا هتكلم تحديداً على خمس وظايف مهمه و الفرق بينهم و شروط كل واحده :

١- مقاول عام / general certified builder :

عموماً اى حد عنده رخصه trade مهما كانت يقدر يتعاقد على شغل مقاولات لحسابه بحد أقصى ٥٠٠٠$ و انا بتكلم تحديداً على شغل الانشاءات و الصيانات و الترميمات المرتبطه بالمبانى السكنيه ، و لكن علشان تتعاقد على شغل اكبر من ٥٠٠٠$ محتاج يكون معاك رخصه مقاول عام و دى ليها طريقتين :

اولا : طريق المهن الحرفيه او المصنعيات و ده مطلوب منك تكون حاصل على شهاده من TAFE اسمها Certificate iii فى حاجه من دول
- carpentry
- bricklaying
- painting
دى مدتها من سنه الى سنتين او ثلاثه حسب هتحضر كام يوم فى الاسبوع

بالاضافه لشهاده certificate IV in building and construction
و دى مدتها سنه او سنتين لو هتاخدها part time او online ممكن لو عندك وقت تخلصها فى ست شهور ، الميزه فى الشهادتين دول انهم مدعومين من الحكومه لحاملى الاقامه الدائمه او الجنسيه ، و لوبتاخد دفعات support من الحكومه هتدفع كمان ٢٪؜ من ثمنها

ثانيا : طريق المهم الهندسيه و مديرين المشاريع (زى اغلبنا) و ده مطلوب منك certificate iv in building and construction و بعديها مطلوب منك diploma of building and construction
للاسف الدبلومه سعرها ٨،٢٢٠$ فى tafe و مافيش فيها دعم

** و كلا الطريقين مطلوب منك سنتين خبره مع مقاول معتمد او ممكن تكون subcontractor معاه و بتقبض راتبك على tax طبعا ، و بعدين تقدم الورق ده كله ل NSW fair trading و تدفع رسوم ٦١٧$ لمده ثلاث سنين او ١٦٠٧$ لمده خمس سنين ده طبعا غير رسوم الكورسات و الاجراءات اللى قبل كده
** الرخصه دى ممكن يحصل عليها سواء شخص او شركه (كيان) او شراكه بين عده اشخاص

٢- مشرف معتمد / qualified supervisor :
و ده مطلوب منه نفس الشروط السابقه و لكن الفرق ان الرخصه بياخدها شخص بإسمه و ليس الشركه و كمان الشخص ده مش من حقه يتعاقد على شغل مقاولات بشخصه ، طيب ايه لازمتها بقى الشهاده ؟
لازمتها ان اى شركه ماعندهاش رخصه builder محتاجه توظف شخص معاه رخصه qualified supervisor علشان تاخد الشغل على رخصته و طبعا انت ممكن تكون قاعد باشا فى البيت و بيجيلك كام الف كل شهر من شركه او شركتين مستخدمين رخصتك ( تقدر تقول ان هو الكفيل بلغه اهل الخليج)

٣- مقاول معتمد / endorsed contractor :
و ده بقى واحد معاه رخصه general builder و بالاضافه لكده معاه qualified supervisor يعنى يقدر يشتغل مقاول لنفسه او لغيره يعنى طالع واكل نازل واكل بالصلاه على النبى

٤- مُرَخِص مبانى / building certifier or building surveyor:

ده الشخص اللى بيتم انتدابه من طرف المقاول العام علشان يستلم المبانى فى مراحلها المختلفه من اول land subdivision و بعدين هو اللى بيستلم المبنى و يتاكد انه مطابق للمواصفات و يصدر construction certificate (CC) و بعدين حاجه اسمها (occupation certificate) بعد ما تخلص كل الخدمات الصحيه و الكهرباء و كل ده ، و ده تقدر تقول زى مهندس البلديه او الحى عندنا و لكن طبعا ده شخص مستقل و اكيد محدش هيخلصوا بسمعته و نزاهته علشان يعدى شغل بايظ (علشان انا عارف دماغك فيها ايه قبل ما تسأل ?)

طيب ازاى اخد الرخصه دى ؟ بسيطه جدا ، كورس فى university of technology Sydney و ده كورس مدته ٤ ايام بيديك المفيد فى القوانين و الاجراءات بس طبعا لازم يكون عندك خبره فى شغل المساحه و الخرائط لمده سنه (بتاخد رخصه مقيده لنوع معين من المبانى ) او سنتين او ثلاث سنين (علشان تاخد الرخصه المفتوحه)
و الاضافه لازم يكون عندك تامين professional indemnity علشان المخاطر

٥- مفتش المبانى / building inspector :
و ده بيكون واحد معاه builder license و لكن بيتم التعاقد معاه من طرف الاشخاص اللى عايزين يشتروا بيت ، يعمل فحص للبيت و يتأكد من حالته بالمقارنه مع البيوت التانيه من نفس عمره و ده مش بيتدخل فى الانشاءات و لا بيفحص انظمه السباكه و الكهرباء و التكييف و لا بيفحص الاساسات ولا اى حاجه . ده مجرد فحص بصرى للاماكن المكشوفه و يطلع عيوب المصنعيات الظاهره اللى ممكن ما يعرفهاش شخص مش متخصص و بقولك رايه فى نهايه التقرير المرفق بالصور و ببساطه يخلع ايده من كل حاجه مش ظاهره و ياخد ٣٠٠$-٥٠٠$ انت و حظك و حسب المنطقه و العرض و الطلب

* اخيرا عايز اقول ان دى اشتراطات الوظايف المذكوره حسب قوانين NSW و طبعا انا ماذكرتش كل الوظايف و لك انا اخرت اشهرهم و اسهلهم بالنسبه للمهاجرين اصحاب الشهادات زيينا، و طبعا دى معلومات منها الللى انا احتكيت بيه شخصياً فى شغلى و منها اللى بحثت عنه علشان الصوره تكون مكتمله للناس (يعنى وارد يكون فى تغييرات او تفاصيل ناقصه)

الغرض انى اوصل للناس ماتفضلش ورا البحث المضمنى عن الوظايف النمطيه و التخبيط على ابواب الشركات و ال recruiters ، البلد دى بتحب البيزنس و بتشجع الناس انها تشتغل حره (علشان يكسبوا منهم فى الضرايب اكتر ?)