طيب بما ان موضوع الشغل في استراليا ده مهم اوي ...نتكلم عنه بالتفصيل شويه و نبدأ بالسي في ....اول حاجه لازم تظبط السي في بتاعك صح .....انا خدت cv template من واحد معانا في الجروب ربنا يجازيه خير نفعتني و ظبطت السي في ذيها ....لو كده ممكن اشير السي في بتاعي مع اللي عاوز بس عامه اهم الحاجات اللي المفروض تحطها في السي في هي :
١- تكتب بوضوح جدا انك permanent resident و ياريت تعملها header في السي في.
٢- ركز علي اخر شغلانه انت اشتغلتها .....و حاول تقسم الشغلانات لجزئين ...اول حته تكتب فيها ال tasks اللي انت كنت بتعملها عامه ....و تاني جزء و ده المهم تكتب فيه ال milestones اللي انت عملتها ...يعني بمعني اصح تكتب ايه اللي انت اضفته للشركه في خلال فتره عملك ...الinitiatives اللي انت عملتها عشان توفر بيها فلوس ....المشاريع اللي عملتها و عادت بفايده كبيره علي الشركه ....
٣- حاول تراجع السي في بتاعك لغويا جدا ...مش طالبه فضايح!! ...ان شالله توديه لحد يراجعهولك ...و خد بالك من الازمنه ...بمعني... الشغلانه اللي انت فيها دلوقتي تبقي في الفعل المضارع i perform ...i do...I manage ......و الشغلانات القديمه اكتبها بصيغه الماضي ...i managed ...I performed...i did ...
٤- دي مهمه بقي .... مقدمه السي في ...اكتب عدد سنين خبرتك ...و اكتب ال keywords بتاعه مجال خبرتك ..مثلا project management ...vendor management...maintenance ... و كده ...بس اهم حاجه انك لما تشوف الjob description اللي موجوده في الشغلانه اللي انت مقدم فيها شوف اكتر keywords و اكتبها ...فبكده فرصة السي في بتاعتك انها تطلع في الاوتو سيرش عاليه ....من الاخر ...ثبت السي في و غير ال keywords اللي في مقدمه السي في حسب كل شغلانه 
٤- فكره انك تجيب virtual line تكتبه في السي في حلوه و بتخدع و الناس بتفتكر انك في البلد ...فبتشجع الناس انهم يكلموك ....احسن موقع اسمه www.flynumber.com .. و اشتراكه خمسه دولار في الشهر ...و دقيقه الاستقبال بي ١٠ سنت . فكرته انه بيديك نمره تليفون استرالي وهميه و بيعمل call forward علي النمره بتاعه مصر.