الإجابة النالية تم نسخها من صفحة Land Down Under على الفيسبوك.
البوست ده مش بتاعي بس صاحبه وصاني انشره بالنيابه عنه ...هو عارف نفسه كويس :) ...ربنا يجعله في ميزان حسناته
السلام عليكم جميعاً
البوست ده لتزبيط ورق الفيزا أبليكيشن، يعني حضرتك هنا المفروض خلصت الكواليفيكيشن أسيسمنت وعملتEOI وردوا عليك بإنك تقدم على فيزا وكمان قدمت أونلاين ودفعت.
الكلام على فيزا 189 لواحد مهندس وزوجته وطفلين، والراجل الطيب ده هوا ال main applicantt ومعاه نقطه بس، الورق يمكن يبان كتير شويتين بس الهدف هوا تجنب أي طلبات إضافية من الأوفيسر والحصول على فيزا مباشرة Direct Grant
بسم الله الرحمن الرحيم
1- الراجل الطيب:
أ- شهادة الميلاد: لو كمبيوتر عربي يبقى محتاجة ترجمة، ممكن ترجع لمكتب مارينا 20000 في وسط البلد كمكتب معتمد أو أي مكتب تاني تحبه، أو تجيبها من الحكومة المصرية مترجمة من مكتب وزارة الصحة ورا مجلس الشعب وعليها ختم النسر ومش هتحتاج توثيق خارجية ولا حاجة (بلح)، وبتاخدها وأنت واقف لو الموظفين كان مزاجهم رايق معاك J (روح الصبح بدري)
ب- جواز السفر: اعمل سكان للصفحة الأولى (البيانات)، طبعاً اسمك في الجواز لازم يطابق اسمك في كل الورق التاني، ويستحسن إن صلاحية جواز السفر متقلش عن سنة من تاريخ التقديم
ت- عقد الجواز: لو كمبيوتر عربي يبقى محتاجة ترجمة، ولو الوثيقة العادية يبقى ترجمتها هتبقى أغلى شوية علشان كلامها أكتر بكتيييير، وبردو ممكن ترجع لوزارة العدل الدور ال13 (وبردو ورا مجلس الشعب J)، هتروح بشهادة الجواز كمبيوتر (ممكن تطلعها من أي سجل مدني وبتبقى شبه شهادة الميلاد بس بلون تاني) وبيطلعولك شهادة زواج إنجليزية بس بتاخد كام يوم وبردو عليها ختم نسر ومش محتاجة أي توثيق بعد كده، بس خلي بالك إن ختم النسر بيحطوه عند الاستلام علشان تقعد تتحايل على الموظفين شوية، وافتكر دايماً إن محدش بياكلها بالساهل J
ث- شهادة الجيش: دي طبعاً مفيش منها إنجليزي على حد علمي وحتى تاريخ كتابة البوست، فهتحتاج تترجمها
ج- الفيش: لنا هنا وقفة JJ، لو أنت مواطن في حالك وعمرك ما شفت المطار إلا في التلفزيون؛ فالمطلوب منك تطلع على قسم الشرطة اللي أنت تابع ليه وتطلب فيش وتشبيه، ومتنساس أبداً تكتب بياناتك عربي وإنجليزي زي جواز السفر (بلاش غلطات ملهاش داعي الله لا يسيئك J) ومتقلقش من الجهة المقدم لها الفيش، ممكن تعملها سفارة استراليا أو إدارة الهجرة باستراليا (عادي)، ودي بتاخد حوالي أسبوع على ما تطلع، ومتنساش تختمها نسر في القسم بعد الاستلام، وطبعاً محتاجة ترجمة بعدها.
أما لو أنت مواطن دولي وسافرت كتير، فهنا هتحتاج تراجع نفسك وتفتكر كويس هل في بلد قعدت فيها أكتر من 12 شهر (متصلين أو متقطعين خلال العشر سنين الأخيرة في عمرك)، لو الإجابة بنعم فأنت مطلوب منك تمشي ورا المطلوب بالزبط من كل دولة من دول حسب ما يدلك الموقع ده http://www.border.gov.au/Trav/Visa/Char
ح- شهادة التخرج الجامعية: عادة بتقدر تجيبها إنجليزي من الجامعة وفي الأغلب هي معاك جاهزة من ساعة ما عملت assessment
خ- التقديرات الجامعية: Transcriptبردو المفروض إنها معاك من ال assessmentt وبتطلع مع الشهادة في نفس الوقت بالإنجليزية
د- المحتوى العلمي*: بيختلف حسب الكلية وبيكون عبارة عن تفصيل أكتر للمواد المدروسة في الجامعة سواء إجبارية أو اختيارية، وبردو بيطلع بالإنجليزية على طول
ذ- الإيلتس: دي طبعاً إنجليزي ومش محتاجة ترجمة J، أو طبعاً ما يعادلها من امتحانات تانية زي ال PTE
ر- ال Engineering Assessmentt: بتطلع شهادة منhttps://www.engineersaustralia.org.au/portal/estage1/search أو بردو ما يعادل تقييم حضرتك
ز- التأمينات: مشوار صغير لحد المكتب التأميني اللي حضرتك تابع له، وبتطلب استخراج بيان تغطية، بتاخده وأنت واقف إن شاء الله وبتحتاج تمضيه وتختمه نسر من هناك بردو، بس عادة الختم عند سيادة المدير J، والورقة دي طبعاً بالعربي وبتحتاج تترجم، والورقة دي عموماً مرتبطة بتوثيق إنك كنت شغال وبتقبض ومتأمن عليك وزي الفل في المدة اللي حضرتك عايز تاخد بيها بوينتس هجرة
س- مفردات مرتب: إوعى تكون زهقت J J، بتاخد أي صورة من مفردات مرتبك زي ورقة أو email وبترجمها لو محتاجة، والغرض منها بردو إثبات إنك كنت أو مازلت موظف في الشركة اللي قلت عليها، وبالتالي بتجيب أول وآخر شهرين من شركتك أو من كل شركة
ش- شهادة بنكية: دي مش هدفها يعرفوا حسابك فيه كام، لأ يا فندم دي شغلة المدام وهي واخدة بالها كويس أوي منك J، الهدف إن الرقم المكتوب في مفردات المرتب يتشاف وهوا بيتحول من حساب الشركة لحساب سيادتك كمرتب، وبالتالي فالمطلوب إنك تجيب مفردات مرتب لنفس الشهور اللي تقدر تجيب فيها حساب بنكي.
معلومة إضافية: HSBCC يقدر يطلع تاريخ حساباتك حتى سنتين ورا، ولو أكتر من كده بتكلم خدمة العملاء وبيوجهوا طلبك ولو متاح بيبعتوه للفرع اللي أنت عايزه للاستلام من هناك
ص- جواب من الموارد البشرية: HR Letterr يعني، وده هيقول إنك موظف في الشركة الفلانية من تاريخ كذا وحتى كذا وبتشتغل إيه وكام ساعة وتأميناتك ومرتبك وسلطاتك وبابا غنوجك J، المهم إنه يكون بالإنجليزي طبعاً وفيه كل بيانات الشركة (تليفون، عنوان، فاكس، إيميل، رقم ضريبي)، مهم جداً الموضوع ده
ض- عقد العمل: معلش استحمل قربنا نوصل JJ، ده في ناس بتشوفه زيادة بس لو قدرت تحطه يبقى خير وبركة
ع- السي في: CVV حضرتك بالتفصيل الممل، وحط فيه تواريخ التعيينات والترقيات لو عديت على أكتر من شغلانة في أكتر من شركة، وزود كمان تعليمك كله من ابتدائي ونهاية بالجامعي، معلش كله يهون علشان ال Direct Grant J
غ- *Form 80: ودي فورم هتلاقيها هنا https://www.border.gov.au/about/corporate/information/forms/pdf-numerical والمطلوب منك تملاها بعناية شديدة وتطبعها وتمضيها وتحطها بعد كده
ف- *Form 12211: زي النقطة اللي فوق بالزبط، وياريت تخلي بالك من عدم تضارب أي بيانات، وبردو املاها اطبعها امضيها ارفعها J
ق- الشهادة الصحية: دي بقى أوتوماتيك مش مانيوال J، يعني هيتبعت لحضرتك حاجة اسمها ال Referral Letter على ال IMMI Accountفهتطبع منه تلات نسخ وتطلع بيه على مستشفى الأنجلو أمريكان بالزمالك أمام نادي الشرطة ، وهناك هيعملولك التحاليل المطلوبة منك والنتيجة بتتبعت أوتوماتيك للحكومة الاسترالية بدون تدخل منك، ولو في أسئلة ممكن توجهها للمستشفى، المفروض إن التحاليل بتتعمل بالحجز وعادة بيبقى معادك الصبح بدري واعمل حسابك تخلص في أربع-خمس ساعات (هتاخد وقت أنت والعائلة)
ك- بس خلاص J JJ، بس ممكن لو لسه عندك صحة تزود حاجات تانية زي شهادات إجادة لغات غير الإنجليزية، أو شهادات عمل تطوعي أو مدني، أو حسابات بنكية أو أصول عقارية تثبت فيها إنك مواطن كويس ومش بتاع مشاكل ... إلخ، ال IMMI Account موجود عليه بنود كتيييير جداً، بس تاني كل ده ورق زايد عن المطلوب ومش فرض أبداً
2- زوجة الراجل الطيب:
أ-شهادة الميلاد
ب- جواز السفر
ت- عقد الجواز تاني معلش
ث- الفيش وبردو لو الزوجة لها تحركات دولية فيجب عمل المطلوب كما تم التوضيح فوق
ج- شهادة التخرج الجامعي
ح- التقديرات الجامعية
خ- المحتوى العلمي
د- الإيلتس أو ما يعادله بتقدير لا يقل عن 4.5 في أي فرع
ذ- *Form 80: املاها اطبعها امضيها ارفعها
ر- *Form 1221: املاها اطبعها امضيها ارفعها
ز- الشهادة الصحية: زي الزوج تماماً وبتختلف التحاليل حسب ما تقره الحكومة الاسترالية في ال Referral Letter
3- أطفال الراجل الطيب (لكل طفل):
أ-شهادة الميلاد
ب- جواز السفر
ت- الشهادة الصحية
*خلي بالك إن موقع IMMI Account بياخد 60 ملف بس لكل applicant، كفاية صدقني إن شاء الله، بس مفيش ملف يزيد حجمه عن 5 ميجابايت، فاعمل حسابك في جودة سكان قليلة للملفات الكبيرة زي المحتوى العلمي الجامعي اللي ممكن يوصل ل 40 صفحة حسب الكلية
في النهاية بالتوفيق للجميع، وبرجاء الحفاظ على الملكية الفكرية للجروب مع الأخذ في الاعتبار إن البوست هدفه التعاون على البر والتقوى ومساعدة الناس J
المصدر: https://www.facebook.com/groups/176142019398359/permalink/426300764382482/
-----------
إن كان لديك إجابة إضافية أو تعليق فلا تتردد بإضافتها أدناه (تحت).
